web counter
LEXO PA REKLAMA!

SHKARKO APP

App Store
Google Play

Fiks Fare/ Pylli pritet pa kriter, shpëton pisha me foton e Presidentit

28 Prill 2022, 19:19, Denoncim CNA

Në Samurr të Elbasanit, pylli që është në pronësi të Kryegjyshatës Botërore të Bektashinjve, po pritet pa kriter.

Gazetarët shkojnë sërish në terren për të parë se çfarë po ndodh. Pishat që më parë ishin prerë dhe ishin lënë të rrëzuara në tokë ishin hequr, por përveç kësaj janë bërë edhe prerje të reja. Gjatë vëzhgimit në terren gazetarët në trungun e prerë të një pishe disa vjeçare gjejnë të vendosur edhe foton e presidentit të republikës Ilir Meta.

Për këtë abuzim në prerjen e druve të pishave Fiksi lajmëron drejtorinë pyjore e cila shkon në terren. Në procesverbalin e mbajtur drejtoria pyjore konstaton se janë prerë pisha të pa damkosura dhe të damkosura. Gjithashtu firma që ka fituar tenderin nuk ka bërë as pastrimin e pyllit.

Drejtoria e Shërbimit Pyjor Elbasan komunikon me firmën që ka tenderin  duke e ngarkuar atë me përgjegjësi për gjetjen e autorëve të kësaj masakre mjedisore, pasi firma pretendon se prerja e pishave nuk është bërë nga ana e saj. Deri sa të ndalojë masakra e të gjendet autorët, të shpresojmë që ky pyll mos të rrafshohet totalisht!/tch





Lajmet e fundit nga