web counter
LEXO PA REKLAMA!

SHKARKO APP

App Store
Google Play

E fundit!

x

Dosja e “nxehtë” në duart e SPAK/ Kush po e amniston Engjëll Agaçin?

1 Maj 2022, 09:10, Denoncim CNA

Koncesioni i inceneratorëve, i cili fillon me një kontratë 22 milionë euro në Elbasan, më pas shkon në Fier me 28 milionë euro dhe ?shton oreksin? në Tiranë, me 128 milionë euro, është ndër më të akuzuarit në Shqipëri.

Pra, bëhet fjalë për tre kontrata koncesionare, 178 milionë euro, por që taksapaguesve shqiptarë do t?iu kushtojë shumë herë më tepër.

Sipas ekspertëve në vlera reale, pritet që ky koncesion ku janë përfshirë zyrtarë të lartë, t’iu kushtojë taksapaguesve shqiptarë mbi 600 milionë euro.

Përtej denoncimeve në media apo akuzave nga politika, ky koncesion është tashmë në hetim nga organet e drejtësisë.

Pas një hetimi të SPAK në lidhje me dy nga inceneratorët, atë të Elbasanit dhe Fierit, tashmë kemi në pranga dy ish-zyrtarë. Bëhet fjalë për ish-ministrin e Mjedisit, Lefter Koka dh eish-deputetin e PS, Alqi Bllako.

Ndërkohë, duket se në lidhje me inceneratorin e Tiranës, i cili është më i madhi, me një kontratë fillestare 128 milionë euro, SPAK po heton me hapin e breshkës.

Por, përtej kësaj një tjetër detaj që bie në sy janë dyshimet se po amnistohet Sekretari i Përgjithshëm i Kryeministrisë, Engjëll Agaçi.

Një ndër personat e akuzuar shpesh në media dhe nga politika, në lidhje me këtë aferë është edhe Sekretari i Përgjithshëm i Kryeministrisë, Engjëll Agaçi.

Vendimet janë marrë në Këshillin e Ministrave. Dhe për ata që e njohin ligjin, personi përgjegjës që mbledh dokumentacionin dhe i kalon ato në mbledhjen e Qeverisë, është Sekretari i Përgjithshëm i Kryeministrisë. Dhe ky është Engjëll Agaçi.

Në Këshillin e Ministrave, aty ku në dhjetor të 2014-ës, brenda ditës u firmosën nga 9-14 vendime.

Pra, 14 vendime brenda dite, procedura të kaluara në Qeveri, akuza të për përitura nga opozita për qindra milionë euro kontrata, dhe deri tani duket se nga drejtësia nuk ka ende asnjë veprim ndaj Agaçit. SPAK bën sehir pse? Kush po tenton të amnistojë të besuarin e kryeministrit?

Kujtojmë këtu se që në vitin 2013, me ardhjen e Rilindjes në pushtet, Agaçi është Sekretar i Përgjithshëm në Kryeministri.

Dhe çdo vendim që ka kaluar në mbledhje Qeverie, ka kaluar edhe në duart e Engjëll Agaçit.

Prandaj SPAK nuk mund të mbyllë sytë as veshët. Dokumentet dhe provat janë aty.

Gjithçka nuk mund të mbyllet me Alqi Bllakon dhe Lefter Kokën./CNA.al

SPAK dhe inceneratorët/ Kur do sqarojë Agaçi 14 vendimet në një ditë

Kur do e thërrasë SPAK, Engjëll Agaçin?

Detajet/ Rama gati të “servirë kokën” e Engjëll Agaçit?

Kush e anuloi fjalimin e Ëngjëll Agaçit?

51 fakte dhe dokumente për aferën e inceneratorëve





Lajmet e fundit nga