Rama pranon skandalin?/ Tenton të justifikojë aferën e shekullit

11 Maj 2022, 10:31, Denoncim CNA

Kryeministri Edi Rama sot gjatë një deklarate për mediat, ku vijoi t?i ?kërcasë? SPAK-ut, ndër të tjera është ndalur edhe te koncesioni i inceneratorëve. Ky i fundit, një ndër më të akuzuarit në Shqipëri, në 30 vite demokraci, i cili sipas vlerësimeve të ekspertëve do t?u kushtojë taksapaguesve shqiptarë, rreth 600 milionë euro.

Pra, bëhet fjalë për tri kontrata koncesionare, 22 milionë euro në Elbasan, 28 milionë euro në Fier, dhe 128 milionë euro në Tiranë.

Por, sot publikisht kryeministri Edi Rama ka pranuar se në Shqipëri nuk ka inceneratorë, por impiante.

Nga ana tjetër, Rama tentoi sërish të justifikojë koncesionin e inceneratorëve, me ?zhdukjen e maleve me plehra?.

Ndërsa në Tiranë Qeveria shqiptare ka firmosur një kontratë koncesionare 128 milionë euro, për një incenerator që ende nuk ekziston, por kemi vetëm një landfill, Rama trumbetoi sot në media duke thënë se kemi një qytet të pastër.

Por, ama nuk u thotë qytetarëve, sa u kushton kjo ?pastërtia? e qytetit.

?Ata s?janë inceneratorë, janë impiante. Impianti në Elbasan është i shtetit, do të punojë për qytetarët. Është pronë e Bashkisë. Fillon edhe prodhimin e energjisë. Impianti i Fierit ka një proces më të ndërlikuar, por është pronë e shtetit. Tirana është e pastër. Një nga karakteristikat e grupit të UEFA-s për përcaktimin e Tiranës për finalen është pastërtia. Ata nuk vinin nga Kamza e Xhelal Mziut, vinin nga Zvicra. Pastërtia e Tiranës ishte një nga pikat. Natyrisht nuk do të bënin finalen në një qytet të papastër?, theksoi kryeministri.

Le të ndalemi në Tiranë, për të cilën vetëm kontrata koncesionare është 128 milionë euro.

Në Tiranë ka një landfill, nuk ka një incenerator. Por, nga ana tjetër fakti është se kompania koncesionare paguhet për incenerim të mbetjeve.

Në kontratën koncesionare thuhet se kompania Integrated Energy BV SPV do të paguhet 29 euro për ton mbetjeje për incenerim.

Aktualisht në Tiranë nuk ka një incenerator. Por kemi vetëm një landfill. Ashtu siç ka qenë. Ka një ndryshim. Janë kapsuluar mbetjet e vjetra dhe është rrethuar territori.

Nga ana tjetër, prej vitit 2018, pra gati katër vite, Qeveria shqiptare dhe Bashkia e Tiranës i kanë paguar rregullisht koncesionarit Integrated Energy BV SPV, tarifën e plotë 29 euro/ton, sikurse është parashikuar në kontratë.

Ndërkohë, ka edhe një tjetër detaj. Sipas të dhënave zyrtare të kompanisë, kur ka vetëm landfillim, kostoja është 12.5 euro toni. Kjo është zyrtarisht e publikuar nga vetë kompania, te studimi i fizibilitetit, dorëzuar te Qeveria shqiptare.

Por, ama kjo e fundit i ka paguar koncesionarit shumën 29 euro për ton, pa pasur incenerator.

Por, pse duhet paguar për incenerim, kur nuk ka një incenerator?

Përgjigjen e kësaj pyetjeje nuk e dha sot kryeministri, por vazhdoi propagandën duke thënë se ?Tirana tani është një qytet i pastër?.

Në fakt, Rama bën mirë të tregojë edhe faturën e kësaj ?pastërtie? të kryeqytetit./CNA.al

51 fakte dhe dokumente për aferën e inceneratorëve

Dokumentet ekskluzive/ Shifrat marramendëse, zbulohen pagesat për inceneratorin e Tiranës

Përse nuk bllokohet inceneratori i Tiranës?

Inceneratorët, vjedhja e shekullit/ Pse po hesht SPAK-u

Miliona euro për inceneratorin që nuk ekziston/ Kur do “zgjohet” SPAK, për Tiranën?