E fundit!

11:38 Aktualitet

Dalin mesazhet/ Deputetët e PD-së kundër bojkotit të seancës në Kuvend

Vendimi i Partisë Demokratike për të mos marrë pjesë në se...

Rama “aleancë” me Tabakun për inceneratorët/ Këlliçi rikthen dinjitetin e komisionit

23 Shkurt 2022, 20:06, Politikë CNA

Që prej mesditës, po vijon mbledhja e komisionit hetimor që është ngritur për çështjen e inceneratorëve.

Kryeministri Edi Rama është thirrur në cilësinë e dëshmitarit, ndërsa që nga nisja ka pasur batuta, shumë zhurmë për asgjë dhe fyerje. Kryetarja e këtij komisioni, Jorida Tabaku, pretendonte se do ?gozhdonte? Ramën me 51 pyetje që kishte përgatitur. Por ashtu edhe siç ndoshta mund të pritej, një gjë e tillë nuk ndodhi, dhe kjo për disa arsye.

Së pari, Tabaku nisi të bënte pyetje, duke e pasur me opinionin e saj. Kaq mjaftoi që Rama ?të kapej pas një dege? dhe të mos i përgjigjej asnjë pyetje. Në çdo dalje për media, kryeministri ka treguar aftësinë e tij për të tejkaluar përgjigjet e drejtpërdrejta dhe përgjegjësitë nga vetja, e për këtë sot në ndihmë i erdhi Tabaku.

Së dyti, deputetja e PD nuk paraqiti asnjë dokument në këtë komision, duke ja bërë më të lehtë punën kryeministrit. Tabakut i mjaftonte të merrej dhe të komentonte Ramën, ti pasonte batutat dhe ironitë, apo edhe të merrej me ?yllin në ballë? të kryeministrit.

Së treti, shqetësimi më i madh i Tabakut ishte teknika, që pas çdo pyetje i drejtohej që të mos i linte gjatë gjithë kohë mikrofonin hapur kryeministrit, madje i drejtohej këtij të fundit se po bënte propagandë në komision.

Tabaku në më shumë se 9 orë nuk arriti dot të tregonte asnjë gjë nga ajo që pretendon se përfaqëson, opozita.

U desh ndërhyrja e Belind Këlliçit që Rama të mbetej pa fjalë dhe të ?gozhdohej? me fakte konkrete.

Me qetësinë e tij prej një personi intelektual, ai fillimisht i tregoi Ramës dokumentin që ka firmën e tij, kur bie fjala te afera e inceneratorëve. Bëhet fjalë për dokumentin me pikë bonus për kompaninë e Zotos.

Më pas, kur Rama deklaroi si gjithë të tjerët se nuk ka lidhje dhe se nuk i njeh Klodian Zoton dhe Stela Gugallen, Këlliçi i nxori videon që e tregon Ramën mes tyre.

Rama preferoi të mos fliste për aksidentin e Arben Ahmetajt me Mirel Mërtirin, duke thënë se nuk komenton fotot, por Këlliçi i kujtoi kodin e etikës që kishte vendosur në fillim të qeverisjes. Këtu Rama u zu ngushtë.

Por pjesa ku shkëlqeu më shumë Këlliçi ishte ajo për inceneratorin e Tiranës dhe rolin e Bashkisë së Tiranës në këtë mega-aferë.

Këlliçi i tregoi në fund foton e Ardit Gjoklajt, adoleshentit që vdiq në Sharrë, si dhe foton e Erion Veliajt me prokurorin që mbylli çështjen. Rama tha se nuk komenton vendimet e gjykatave.

Kjo seancë pyetjesh, pa ulërima e batuta, e vuri në siklet Tabakun, e cila i ndërhyri disa herë Këlliçit teksa pyeste. Në fund ajo nxitoi të ndërpriste seancën e dëshmisë pasi u bë e qartë se kush po e bënte dallimin.

Këlliçi i shpëtoi fytyrën komisionit, pasi siç shkruante akademiku Artan Fuga në mëngjes, ai po katandisej në estradë./E.K-CNA.al