E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Këlliçi e “kap mat” me foto/ Rama: Nuk flas, është marrë një vendim nga gjykata

23 Shkurt 2022, 18:00, Politikë CNA

Deputeti Belind Këlliçi ka publikuar një foto të Ardit Gjoklajt, 16-vjeçarit që vdiq në mënyrë të tmerrshme teksa punonte në landfillin e Sharrës. I pranishëm në Komisionin Hetimor për Inceneratorët, Këlliçi paralelisht nxorri dhe një foto të kryebashkiakut të Tiranës, Erion Veliaj me prokurorin e çështjes që e mbylli dosjen pak ditë më vonë. Por, kryeministri Edi Rama nuk kishte asnjë koment për këtë gjë. Ai tha se çështja në fjalë ka marrë një vendim gjykate, të cilat ai ka zgjedhur që të mos i komentojë. Referuar vendimit të Kushtetueses për të mos shkarkuar presidentin Ilir Meta, Rama tha se do të donte ta komentonte, por zgjedh t?i mbahet zotimit për të mos folur.

Pjesë nga marrja në pyetje e Ramës:

Belind Këlliçi: Kjo është fotoja e Ardit Gjoklajt, një i mitur që punonte në landfillin e Tiranës, këtu kam dhe foton e kryebashkiakut të Tiranës që drekon me prokurorin e çështjes. Çuditërisht kjo çështje u mbyll pas kësaj fotoje. Nuk ju kam parë ndonjëherë ta përmendni si rast dhe ju gjetët rastin të shkoni tek familja e Klodian Rashës dhe shumë mirë bëtë. Por kjo lidhet ngushtësisht me reformën në drejtësi?.

Edi Rama: Për çfarë?

Belind Këlliçi: Kryetari i Bashkisë është në një foto me prokurorin e çështjes. Pak javë pasi ndodhi vdekja e Ardit Gjoklës doli me pompozitet për të lajmëruar se do të vinte një kompani hollandeze. Çudistërisht ishte Zoto që kishte hapur kompani në vitin 2016 dhe në ato momente që nënshkroi shiti dhe aksionet në offshore. Ju duket rastësi?

Edi Rama: Nuk e përqafoj dot këtë teorinë e të bëri politikë duke akuzuar për vrasje një kundërshtar. Unë nuk jam i kësaj shkolle dhe është shkollë shumë e vjetër kjp. Do kisha shumë dëshiirë që të komentoja vendimin e Gjykatës Kushtetuese, këtë të fundit, por nuk e komentoj, nuk e bëjë këtë gjë. E kam bërë si zgjedhje duke marrë përsipër koston e llafeve. Për çështjen që përmende ka vendim gjykate, pse duhet të besoj gjithë këtë film kur vendimi i gjykatës është aty. Sepse është një foto?

Belind Këlliçi: Dakort

Edi Rama: Më mirë kështu haptas që siç tha kryetarja jemi të koordinuar, sepse këtë s?e beson as publiku, e kapën gjallë, këtë beson njeri./E.K-CNA.al