E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Si i shërbeu Tabaku Ramës deri në fund

23 Shkurt 2022, 15:37, Politikë CNA

Komisioni hetimor për inceneratorët po i afrohet fundit.

Rama që prej ditës së djeshme kishte njoftuar spektaklin e sotëm dhe ftoi të gjithë të ndiqnin seancën e fundit në të cilën ai ishte ftuar të dëshmonte.

Rama priste spektaklin!

Rama e dinte spektaklin!

Ka vetëm 2 mundësi që i jepnin garanci Zotit Rama për rezultatin e “hetimit” personal të Zonjës Tabaku.

Opsioni i parë është nuhatja që ka Rama për gratë budallaçka, që nuk e dinë se janë të tilla.

Si marifetçi budallaçkash që i promovon, e vë, i heq, i sposton, i shan, i tall, i vë në loje, i denigron e kështu me radhë, Rama e ka identifikuar si budallaçkë Joridën.

Ndaj Rama ishte i sigurtë në impresionin dhe pushtetin që ushtron vetëm me vështrimin sy më sy me një budallaçkë.

Dhe Rama atë pushtet e ushtroi i qetë dhe i pashqetësuar.

Përveç një mushkonjë që ju ul në ballë e të cilën e ekzekutoi pa e ditur fare se çfarë po bënte, arriti që të tërhiqte vëmendjen e Joridës për yllin që i shkroi vetes në ballë.

Jorida e ndihmoi që të pastrohej nga gjaku i martires mushkonjë, megjithëse ndihma për raste gjakosjesh nga gjaku i një mushkonje budallaçkë dhe tema e yllit në ballë, nuk ishte lëndë e Komisionit Hetimor.

Jorida nuk e zhgënjeu!

Vazhdoi me teknikën e pyetjeve të veta “shkatërruese” ku nuk kuptohej ku fillonte pyetja, ku mbaronte komenti, ku ndahej përmbledhja, ku futej konkluzioni e ku opinioni personal i Joridës.

Rama dje dhe pardje ndoqi shfaqjet e sjelljes prej njeriu të mbushur me veten tek Jorida. Por kuptoi dhe u prezantua live edhe me këshilltarin gazetaresk të Joridës. Rama e di se ç’mund të dalë nga këshillat e Desadës. Me siguri ai chat-i i Joridës me Desadën ka qenë plot me udhëzime të tipit: “kape, shqyeje, mos e lësho, bravo, bjeri, mos e ler të flasi, nxefe, plasja me batut” etj si këto.

Midis budallaçkash, besuan se do menaxhonim talentin e Ramës për batuta, duke dhjerë komisionin hetimor.

Rama ishte i qetë.

E la Joridën në budallallëkun e vet, që Jorida vetë të merrte lapsin dhe të bënte llogaritë live. Rama ishte i bindur që Jorida do i bënte llogaritë gabim.

Në vend që të zhgarravitej dëshmitari, u zhgarravit ai që pyeste.

Ramës nuk i mbetej veç të gajasej!

Siç u gajas!

Por ka edhe një mundësi tjetër!

Rama dinte paraprakisht pyetjet “shkatërruese” që do i bënte Jorida.

Rama i kishte dhënë lapsin dhe letrën Joridës që ajo të bënte as më pak e as më shumë sesa atë që bëri.

Jorida nuk fliste e nuk pyeste dot për interesat e ndërtuesve, sepse ishte e kompleksuar nga ato pyetje.

Por Rama dikur i tha:

“Hajde boll bëm sikur zihemi. Bëje tani atë llogarinë nga e cila do dali që 450 milionë do bëhen në 2050. Nuk janë për sot”.

Dhe Jorida u ul dhe e bëri. Live!

Dhe Rama u gajas.

Mbase Joridës sot i leverdis të dali e të thotë që është thjesht budallaçkë. Ky opsion sot e godet më pak! Dhe mbase nuk është edhe shumë larg të vërtetës. Jorida është ai momenti, kur dhjeta-t e marra në shkollë, të mbushin mendjen se je i mençur kur budallallëku të ka pushtuar nga 1-shi deri te 100-a!/CNA.al