E fundit!

10:21 Aktualitet

PD bojkoton sërish seancën

Partia Demokratike ka bojkotuar edhe seancën e sotme në Pa...

Rama justifikon vartësit e tij/ Nuk jam "Big Brother" të shoh me kë flenë dhe zgjohen njerëzit

23 Shkurt 2022, 11:53, Politikë CNA

Kryeministri Edi Rama gjatë dëshmisë në Komisionin hetimor për inceneratorët ka kryqëzuar Jorida Tabaku në cilësi të kryetares së këtij komisioni.

Rama ka deklaruar se po shkel ligjin duke bërë komente dhe se po pyet për situata që nuk kanë lidhje me të si kryeministër.

I pyetur nëse tre pronarët e inceneratorëve që janë në kërkim, kanë miqësi me Arben Ahmetajn, Rama ka shpërthyer me ironi, duke përmendur ?Big Brother-in?.

Pjesë nga debati

Jorida Tabaku: Ju në cilësinë e kryeministrit keni miratuar një ligj a është Lefter Koka, një nga pronarët që ka përfituar 4 milion euro, një nga pronarët përfitues?

Edi Rama: Është një pyetje e eksportuar nga debati parlamentar dhe televiziv. Unë jam kryeministër dhe Lefter Kokën e njoh si ministrin e Mjedisit, nuk e njoh si pronar përfitues.

Jorida Tabaku: A është Alqi Bllako i cili përmes babait të tij është faktuar se ka përfituar 150 mijë dollarë, një pronar përfitues?

Edi Rama: E çmoj humb disponibiltetin tuaj, ju nuk keni faktuar asgjë në këtë komision. Keni krijuar një opinion tuajin. Faktet këtu janë ato që kemi ardhur të ballafaqojmë bazuar në dokumente, jo në opinione të krijuara mbi spekulime. Nuk shoh asnjë lidhje deri tani midis rolit që kam ardhur deri këtu.

Jorida Tabaku: Zoti kryeministër, zoti dëshmitar, zoti Rama, a është Ahmetaj një mik i afërt me tre përfituesit një nga pronarët përfitues?

Edi Rama: Unë e kuptoj që Big Brother në këtë periudhë ka krijuar audiencë, por se kush është miku i kujt, se kush flet me kë, se kush zgjodhet me kë nuk janë të parashikuara në dispozitat kushtetuese të rolit të kryeministrit. Meqë ju më thatë zoti kryeministër, zoti dëshmitar, zoti Rama, unë po ju përgjigjem si kryeministër është jashtë kompetencave të mia që të studioj miqësitë. Si dëshmitar mendoj se po shkelni ligji, ndërsa si zoti Rama jam i painteresuar se kanë dalë në modë pantallonat e shkurtra në dimër, qëkur mbaja pantallona të shkurtra se çfarë bëjnë të tjerët.