web counter
LEXO PA REKLAMA!

SHKARKO APP

App Store
Google Play

E fundit!

x

“Rama, koka e korrupsionit të qeverisë”/ PD nxjerr konstatimet e seancës së pestë të komisionit për inceneratorët

22 Shkurt 2022, 21:56, Politikë CNA

Partia Demokratike ka akuzuar kryeministrin Edi Rama si personin përgjegjës në aferën e inceneratorëve.

Përmes një deklarate në faqen zyrtare në Facebook, PD shprehet se seancat e komisionit hetimor shpalosën para qytetarëve korrupsionin e përhapur në çdo nivel qeverisje që ka shkaktuar një dëm prej 430 milionë euro.

?Çdo seancë e Komisionit Hetimor për aferën e inceneratorëve po shpalos përpara qytetarëve se si korrupsioni i përhapur në çdo nivel të qeverisjes ka shkaktuar një dëm prej 430 milionë eurosh familjeve shqiptare. Tashmë është e qartë për të gjithë se organizmi dhe zbatimi i kësaj afere kriminale, nuk mund të ndodhte pa mbështetjen dhe miratimin e Edi Ramës. Ai është koka e korrupsionit të qeverisë?, thuhet në reagim.

Më tej, PD ka nxjerrë edhe 8 konstatime, se çfarë u vërtetua në seancën e pestë të komisionit hetimor.

?Ja çfarë u vërtetua në seancën e pestë:

1-Sako, tender me ?negocim-pa shpallje?, me operator të vetëm, pa garë, për 10 milionë euro për Inceneratorin e Tiranës. Ndërsa 15 milionë euro shtesë transporti;

2-Ka shtuar sasinë e mbetjeve të Durrësit duke fryre faturën financiare nga 38.146 ton në vit, në 80.000 ton në vit;

3-Inceneratori i Tiranës kontratë edhe për 30 vite. Çdo ditë 30 mijë euro dëm në ditë, 900 mijë euro në muaj shtesë, 10 milionë euro në vit shtesë;

4-Ministria e Financave nën drejtimin e Canit refuzoi projektin: Nuk ka studim fizibiliteti, vlerësim financiar, procedure me ?negocim-pa shpallje? në kundërshti me ligjin;

5-Ahmetaj e miraton kontratën e kundërshtuar nga Cani;

6-Ahmetaj lidhje të hershme me Mirel Mërtirin. Ka udhëtuar nga 2012-2019, 12 herë me pronarët e inceneratorëve;

7-460 milionë lekë shtesë nga buxheti i shtetit për kompensimin e një prone në Fier;

8-Raporti i KLSH: Tokë shtetërore, në emër të Bashkisë Fier, jepet si garanci për kredi?, theksohet në reagimin e PD./E.K-CNA.al





Lajmet e fundit nga