web counter
LEXO PA REKLAMA!

SHKARKO APP

App Store
Google Play

E fundit!

x

Alqi Bllako refuzon të dëshmojë në komision/ Gjen justifikimin

22 Shkurt 2022, 20:56, Politikë CNA

Ish sekretari i Lefter Kokës Alqi Bllako ka refuzuar të dëshmojë në komisionin hetimor të inceneratorëve lidhur me aferën ku ai dyshohet se është i përfshirë.

Bllako, është justifikuar duke thënë se ka dhënë dëshmi në SPAK, e cila është cilësuar si sekret hetimor dhe refuzon të përgjigjet.

Ai ka kërkuar të jap vetëm një deklaratë, por kjo u refuzua nga Jorida Tabaku, e cila tha se deklaratë mund ta jap në një konferencë për shtyp dhe jo në komision.

?Unë në cilësinë e personit që ka dijeni kamë dhënë dëshmi para prokurorëve të SPAK. Pas përfundimit të dëshmisë, më është deklaruar se është sekret hetimor dhe nuk kam marrë asnjë kopje. Jam në kushtet e pamundshmërisë për të dëshmuar se çfarë di për këto procedura pasi çdo gjë e kam dëshmuar para këtij organi. Do ju lutesha të bëja shkurtimisht disa sqarime me disa të pavërteta që kanë përmbajtur emrin tim gjatë muajve të fundit. Unë mund të jap vetëm një deklaratë?, tha Bllako.

Kujtojmë këtu që edhe kryebashkiaku i Fierit Armando Subashi dëshmoi para disa ditësh në SPAK, por ditën e djeshme ai iu përgjigj të gjitha pyetjeve të komisionit për inceneratorin e Fierit.

Por duket se Bllako nuk po tregon të vërtetën, pasi ai thotë se nuk ka marrë asnjë kopje të dëshmisë në SPAK, kur mbrëmjen e djeshme dëshminë e tij e lexoi live në emisionin Opinion gazetarja Anduena Llabani. /E.K-CNA.al





Lajmet e fundit nga