web counter
LEXO PA REKLAMA!

SHKARKO APP

App Store
Google Play

E fundit!

x

Tragjedia e Himarës/ Njoftohet data e protestës para Ministrisë së Brendshme

2 Gusht 2022, 22:09, Aktualitet CNA

Tragjedia e Himarës/ Njoftohet data e protestës para Ministrisë

Fronti për Shpëtimin Kombëtar ka njoftuar se me datë 4 gusht ora 19:00 para Ministrisë së Brendshme do të zhvillohet një protestë.

Protesta vjen pas tragjedisë së ndodhur në Himarë ku humbi jetën një vajzë e vogël 7 vjeçe, e cila u vra nga një gomone që drejtohej nga një punonjës policie.

“Tragjedia në Himarë, Fronti për Shpëtimin Kombëtar thërret protestë të enjten, 4 Gusht, ora 19:00 para Ministrisë së Brendshme. Kërkesë për dorëheqjen e ministrit të Brendshem Bledi Çuçi dhe ministres së Turizmit, Mirela Kumbaro.”, thuhet në njoftim.

Në njoftimin e shpërndarë në rrjetet sociale thuhet se të enjten, 4 gusht, do të protestohet para Ministrisë së Brendshme.

Qytetarët kërkojnë dorëheqjen e ministrave Bledi Çuçi dhe Mirela Kumbaro si përgjegjës direkt për mbarëvajtjen e sezonit turistik.  

Protestës do t'i bashkohet edhe Partia Demokratike. 

"Partia Demokratike inkurajon çdo demonstrim civil dhe u bashkohet në indinjatë, të gjithë atyre shqiptarëve që zgjedhin çdo formë proteste, që nga statuset në rrjete sociale, te vigjiljet e solidaritetit dhe daljet publike të unifikuara, për tragjedinë e familjes Avdia, që humbi vajzën 7-vjecare. Protestat kundër dorës së shtetit që mbyll sytë e fëmijëve janë zëri i të gjithë të dhunuarve nga ky pushtet që nga thirrja ‘nuk keni parë gjë akoma!", njofton zyra e shtypit e PD. 

Ndërkohë, sot u zhvilluan homazhe dhe u ndezën qirinj para Kryeministrisë për 7-vjeçaren. /CNA.al





Lajmet e fundit nga