web counter
LEXO PA REKLAMA!

SHKARKO APP

App Store
Google Play

Nuk ndalen pagesat për inceneratorët/ Ibrahimaj në mbrojtje të aferës?

6 Korrik 2022, 14:52, Aktualitet CNA
Nuk ndalen pagesat për inceneratorët/ Ibrahimaj në mbrojtje
Ministrja, Delina Ibrahimaj

Ministrja e Financave, Delina Ibrahimaj, ka reaguar në lidhje me akuzat e LSI për skemën e inceneratorëve.

Gjatë konferencës për shtyp, Ibrahimaj u shpreh se kontratat me këto kompani janë zbatuar, pasi nuk ka asnjë vendim gjykate dhe s’ka njoftim nga institucionet ligjzbatuese ose të drejtësisë për të marrë masa.

“Janë subjekte hetime dhe s’ka vendim gjykate për ta, institucionet shtetërore s’mund të marrin masa. Kemi vijuar të respektojmë kontratën dhe do e bëjmë për sa kohë jemi në zbatim të kontratës, s’kemi njoftim nga institucionet ligj zbatuese ose të drejtësisë për të marrë masa për këto kontrata jemi në pritje të proceseve të drejtësisë, do marrim masa të nevojshme për respektimin e ligjit.

Kanë qenë 20 fiktivë që janë referuar në Prokurori, blerësit dhe shitësit, nuk është numër i vogël dhe jo domosdoshmërisht kanë përfituar nga këto skema, por i takon Prokurorisë të bëjë verifikimet. Janë një numër i madh subjektesh, ndaj ka ndër vite dhe ende nuk e ka mbyllur sepse duhet verifikim i plotë. Pjesë e tyre kanë qenë dhe nënkontraktorë apo kompani të lidhura me inceneratorët dhe ende nuk janë dërguar në Gjykatë, nuk mund të shprehem për gjithë listën e kompanive, nuk e di në çfarë faze është prokuroria. Të gjitha administratat kanë furnizuar me informacion Prokurorinë SPAK çdo herë që është kërkuar.

 Sa i përket inceneratorit të Tiranës, 31 gusht 2017 kohëzgjatja është 30 vite dhe faza aktuale është e ndërtimit dhe operimit, autoriteti kontraktues ka raportuar se punimet civile që janë të përfunduara zënë më pak se 20% të vlerës totale të investimit. Janë dorëzuar në kantier dhe janë funksionale pajisjet e kapanonit të selektimit, i cili është në operim e sipër”, tha Ibrahimaj./ CNA.al





Lajmet e fundit nga