LEXO PA REKLAMA!

SHKARKO APP

"Një hap përpara (Rikthimi)"/ Renis Gjoka dhe Big Basta, bashkautorë të "himnit" të protestës së 7 korrikut

6 Korrik 2022, 13:06, Aktualitet CNA

"Një hap përpara (Rikthimi)"/ Renis Gjoka dhe Big Basta,

Renis Gjoka dhe Big Basta janë bashkautorët e "himnit të protestës" së 7 korrikut, organizuar nga Partia Demokratike dhe shoqëria civile, bashkuar nën siglën e Frontit të Shpëtimit Kombëtar. Me thirrjen "Zgjohu", dhe nën titullin “Një hap përpara”, dy artistët i apelojnë një shoqërie apatike, e cila nuk duhet të presë, por të ngrihet para realitetit të varfërisë, zbrazjes së vendit, mungesës së shpresës etj.

Kënga është një remix (risjellje) i një varianti të mëhershëm të dy artistëve, ardhur me tekst të ri posaçërisht për 7 korrikun. Gjoka, që e ka shpërndarë mbrëmë këngën në "Facebook" dhe faqen e tij në "YouTube", shkruan se kënga është ftesë për “të heshturit që të bëhemi një zë”.

Kënga do të çelë protestën e 7 korrikut me sloganin “Shqipëria në rrezik”, që mbahet në orën 19.00 para Kryeministrisë.

TEKSTI

NJE HAP PERPARA (RIKTHIMI)

Tri fjalë …

U bo m*t!!!

S'përballohet jeta nëse s'je hajdut.

Vidhet para syve, por askush në burg.

Njerëzit po vetëvriten e po lihen në rrugë.

Nëna po merr borxh!

Po i nxjerrin jashtë shtëpisë me forcë

Nuk e di as ku të protestojë, a e dëgjojnë?

Para se të bjerë nata duhet ta ndihmojnë

Se të nesërmen s'do të ketë më shpirt, por kufomë

Ku mbeti amaneti Ismail Qemalit?

Ku është shkolla e premtuar e ku është spitali?

Pse fëmija im do duhet jashtë shtetit të dalë?

Të jetojë në tokë tjetër, se e jotja s'të fal,

Siguri, as oksigjen, por veç lot.

Çmimet shkojnë lart po me të njëjtën rrogë

Erdhi koha që të themi JO nga sot

Zgjohu Shqiptar, hapi sytë shiko!

Refren

Zgjohu shiko,

Se jam një hap përpara teje kërko,

Të bësh dhe ti përpara kurrë mos mendo

Të jesh dhe ti si unë, prandaj ti lufto.

TI LUFTO!!!

Zgjohu shiko,

Se jam një hap përpara teje kërko,

Të bësh dhe ti përpara kurrë mos mendo

Të jesh dhe ti si unë, prandaj ti lufto

TI LUFTO!!!

Poshtë pallatit Policia, se një bombë ka plas

Dhe një kryefamiljar u vra në atentat

Varfëria qe arsyeja që zgjodhi atë fat

Që veç e bëri lajm të parë dhe la familjen në gjak.

Antivlerat u bënë vlera, po na shijojnë plehrat

Media nuk është më me popullin, jemi n'kohëra tjera.

Argëtimi marramendje për ç'ka fshihet nën tokë.

Ç'ka planifikohet natën, çdo ditë hapet një gropë

Sa me gjakun e ftohtë, ky gjykatës ta thotë

Ai që ta vrau nënën do lirohet që sot

Skënderbeun tatuazh ju po e bëni më kot,

Po shesim të ardhmen e vendit duke shitur një votë

Nëse të ka mbetur shpirt dhe arsye në kokë.

Nëse nuk do që dhe jetën t'japësh me konçesion

Erdhi koha që të themi JO nga sot

Zgjohu Shqiptar, hapi sytë shiko!

Refren

Zgjohu shiko,

Se jam një hap përpara teje, kërko,

Të bësh dhe ti një hap përpara kurrë mos mendo

Të jesh dhe ti si unë, prandaj ti lufto!

TI LUFTO!!!

Zgjohu shiko,

Se jam një hap përpara teje kërko,

Të bësh dhe ti një hap përpara kurrë mos mendo

Të jesh dhe ti si unë, prandaj ti lufto

TI LUFTO!!!

Refren2

Zgjohu shiko,

Se jam një hap përpara teje kërko,

Të bësh dhe ti një hap përpara kurrë mos mendo

Të jesh dhe ti si unë, prandaj ti lufto

TI LUFTO!!!

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

 

Lajmet e fundit nga