web counter
LEXO PA REKLAMA!

SHKARKO APP

App Store
Google Play

Skandali i inceneratorëve, Shkodra: Nëse akuzat vërtetohen, kjo do të ishte goditje për ekonominë

5 Korrik 2022, 20:04, Aktualitet CNA
Skandali i inceneratorëve, Shkodra: Nëse akuzat vërtetohen, kjo
Eksperti i ekonomisë, Arben Shkodra

Eksperti i ekonomisë, Arben Shkodra, ka komentuar skandalin e inceneratorëve, duke u shprehur se nëse akuzat vërtetohen, kjo do të ishte goditje për ekonominë. Për emisionin “Radari Informativ”, se është një situatë e pakëndëshme dhe hetimet duhet të nxjerrin të vërtetën. “Pa dyshim që kjo është një situatë jo e këndshme për ekonominë tonë, por duhet të presim se çfarë do të nxjerrë hetimi. Vetëm atëherë do të shohim se si është e gjithë situata, dhe të bëjmë një analizë pse ndodhin këto fenomene. Në ekonominë tonë ne kemi 30 vite të kemi një sistem ekonomik të komplikuar, kemi bërë ndryshime në sistemin fiskal, ku mund të gjejmë edhe xhepa që spekulantët kanë bërë lëvizje të paligjshme”, u shpreh Shkodra.

Lidhur me pyetjen se si është e mundur që me sistemin e kontrollit që kemi qarkullojnë fatura të plota të shitblerjeve, dhe nuk bie në sy të askujt, Shkodra u shpreh se vete sistemi i favorizon.

“Ka një paradoks të madh, sa më shumë lehtësojmë procedurat e të bërit biznes, aq më shumë u hap rrugë paligjshmërive. Aktualisht ne po bëjmë dixhitalizimin, duke paraqitur në sistem vetëm kopje, ndërsa dikur duhet të paraqisje në sistem dokumentet origjinale. Sa më shumë dixhitalizojmë, aq më shumë harrojmë se disa procese nuk janë aq të thjeshta për t'u implementuar. Aq më tepër kur kemi dy të moshuar që jetojnë në azile dhe u merret firma, këtu pyetet çfarë ka shkuar keq, unë them që ka nevojë për një verifikim të madh”, u shpreh ai./CNA.al





Lajmet e fundit nga