web counter
LEXO PA REKLAMA!

SHKARKO APP

App Store
Google Play

Të moshuarit milionerë/ Lubonja: Po përdoret kjo kategori për të vjedhur paratë e shqiptarëve

5 Korrik 2022, 17:52, Aktualitet CNA
Të moshuarit milionerë/ Lubonja: Po përdoret kjo kategori
Fatos Lubonja

Kryetarja e LSI-së, Monika Kryemadhi, ka nxjerrë gjatë dy ditëve të fundit fakte të reja në lidhje me aferën e inceneratorëve. Në faktet e Kryemadhit, kanë dalë në dritë edhe dy të moshuar, të cilët rezultojnë milionerë, ndonëse 90-vjeçarja, nënë Haxhireja, jetonte në azil.

Lidhur me këtë situatë ka reaguar edhe analisti Fatos Lubonja. Në një intervistë, ai tha se Qeveria dhe kompanitë e inceneratorëve përdorin njerëz në prag vdekje për të vjedhur paratë e shqiptarëve.

“Unë them se duhet të çlirohemi nga një kompleks që kemi, sipas së cilës se po e konfirmuan perëndimorët një gjë, ajo është e vërteta. Dhe kur këta thonë që ka bërë Shqipëria hapa përpara dhe prandaj e meriton, ky quhet sukses. Por nga ana tjetër secili nga ne do që të zhvillojë një mendim kritik,  duhet të shtrojë pyetjen, po mirë mo sipas meje kemi bërë hapa përpara apo jo?!

Megjithatë dolën ca fjalë aty që nuk imagjinohej. Për mua ishte e paimagjinueshme që të arrijë niveli i korrupsionit, degjenerimit të shtetit deri në atë pikë që në bashkëpunim me kriminelë ordinerë të ndërtohen këto skema me përdorim të njerëzve në prag të vdekjes, për të krijuar këto skema e kompani për grabitjen e parasë publike dhe ta ndajnë me kriminelët. Ore a është e vërtetë që kemi bërë hapa para siç tha Rutte apo kemi bërë hapa pas?

Unë që e ndjek prej 30 vitesh politikën, këtë faktin e fundit dhe fakte të tjera që shoh përditë për nivelin e krimit të organizuar, lirisë së medias, nivelin e ekonomisë së shëndoshë dhe jo kjo ekonomia e betonizimit absurd, unë them se kemi bërë hapa pas. Dhe mbi të gjitha si konkluzion është demokracia”, tha Lubonja./CNA.al





Lajmet e fundit nga