web counter
LEXO PA REKLAMA!

SHKARKO APP

App Store
Google Play

E fundit!

x

Nuk ka ndryshim të masave anti-COVID/ Rakacolli, mesazh të fortë

6 Korrik 2022, 11:29, Aktualitet CNA

Nuk ka ndryshim të masave anti-COVID/ Rakacolli, mesazh të fortë

Nisur nga shtimi i rasteve të personave të prekur nga COVID-19, sot është mbledhur Komiteti Teknik i Ekspertëve.

Gjatë fjalës së saj, doktoreshë Najada Çomo theksoi se gjatë muajit korrik është shtuar numri i personave që shtrohen në spital.

“Në korrik ka pasur shtim të numrit të pacientëve që vijnë për të kërkuar ndihmë.

Së paku 56 pacientë në ditë shtrohen në spital.

Janë persona të pavaksinuar, me vaksinim të lënë në mes dhe ata që kanë bërë vaksinimin e hershëm.  

Temperaturat e larta nuk kanë ulur numrin e të shtruarve në spital. Mbi 62% e të shtruarve në spital janë të moshave 60-70 vjeç. Por ka pasur edhe në mosha 20-vjeçare, një grua e cila është jashtë rrezikut për jetën”-tha Çomo.

Nga ana tjetër, Mira Rakacolli tha se nuk është rasti për të ndryshuar masat anti-COVID, por u drejtoi apel të fortë qytetarëve që të vaksinohen.

“Nuk është rasti për ndonjë masë tjetër, vaksinimi është apeli i vetëm. Të pavaksinuarit na rrezikojnë edhe ne. Edhe mediat të bëjnë këtë apel”, -tha Rakacolli./CNA.al





Lajmet e fundit nga