LEXO PA REKLAMA!

SHKARKO APP

Analisti lëshon ‘bombën’/ “Ka një tjetër aferë më të madhe se ajo e inceneratorëve”

6 Korrik 2022, 13:54, Aktualitet CNA

Analisti lëshon ‘bombën’/ “Ka një tjetër

Analisti Lorenc Vangjel ka folur në lidhje me skandalin e evazionit fiskal të 24 kompanive me inceneratorët.

I ftuar në "Abc live", Vangjeli deklaroi se krijimi i kompanive anonime është mënyra më e mirë e evazionit fiskal.

Ndër të tjera, analisti tha se amdinistrata ka filluar të ketë frikë nga provat që po dalin.

“Në Tiranë ka filluar të ketë frikë te zyrtarët e lartë për të firmosur. Denoncimi i radhës ka nisur para 5-6 vitesh. Disa nga këto skema janë goditur, por edhe kanë vazhduar. Koha nuk është për ta fshirë. Kam besimin që ka ardhur koha për ndëshkim. Administrata ka filluar të ketë frikë nga provat që po dalin. Drejtësia nuk reagon me shpejtësinë që duam ne. Dyshimi është larg nga të qenit i provuar. Për sa kohë nuk e provon një gjë të tillë ai është i pafajshëm”, tha Vangjeli.

Ndërkohë, analisti ka paralajmëruar edhe një aferë tjetër të madhe, që sipas tij për këtë ka pasur një hetim në 2014.

Sipas Vangjelit, në këtë aferë përfshihen njerëz nga bota e biznesit dhe mund të jetë më e madhe se ajo e inceneratorëve.

“Do të ballafaqohemi me emra të tjerë. Që në 2014, ka qenë një hetim, janë emra që i njohim të gjithë në Tiranë. Aktualisht janë pjesë e biznesit. Nuk e di sa do ndodhë një gjë e tillë. Ndoshta do të jetë edhe më e madhe se zhurma e inceneratorëve. Por cili pushtet do të tronditet? Ka disa lloje pushtetesh. Ka një pushtet moral, ka pushtet të votuar. Ka dhe pushtet xhepi dhe në Tiranë ka kohë se xhepat janë bërë të thellë. Janë të ndërlidhura me njëri-tjetrin pushtet që do të tronditeshin”, tha Vangjeli./ A.E-CNA.al

Lajmet e fundit nga