LEXO PA REKLAMA!

SHKARKO APP

Meta ngre tonet/ "Askush nuk e ndalon dot Ilirin, Rama do të përgjigjet për inceneratorët"

17 Maj 2022, 10:27, Politikë CNA

Presidenti Ilir Meta i është drejtuar me tone shumë të forta sot kryeministrit Edi Rama, në lidhje me inceneratorët.

Duke reaguar edhe me akuzat e drejtuara një ditë më parë, nga një prej gazetave austriake, Meta hodhi dyshime se gjithçka ka të bëjë me denoncimet e tij kundër inceneratorëve.

Sipas tij ka si qëllim që të mos hetohen Mirel Mërtiri, Klodian Zoto dhe Stela Gugallja.

?Kush i ka penguar ata të hetojnë Saliun, apo Ilirin para 20 vitesh që ka qenë kryeministër? Pse i bëjnë të gjitha këto? Që të mos hetojnë Stelën, Zotin, Mërtirin, gjithë grupin kriminal. E di ai (Rama) që Iliri do ti shkojë të gjitha gjërave deri në fund.

Do të frenojë Ilirin ai me këto lloj përrallash e mashtrimesh. Jo, jo, e njeh Ilirin më mirë se asnjë. Do të shkojë deri në fund.

Do të përgjigjet për të gjitha ato gjëra që i ka bërë Shqipërisë dhe shqiptarëve.  Do ta shikoni ju bandën e inceneratorëve deri ku do të shkojë.

Ai do t’iu japë zemër, mos flisni shokë, mos pranoni që jeni grup i strukturuar kriminal.

Po 430 milionë eurot e qytetarëve shqiptarë ku janë?

Po 14 vendime qeverie në një ditë? E dini ju sa punë ka?

Po ata tre ministra e drejtorë që kanë kundërshtuar që kanë thënë janë të paligjshme. Ky nuk ditka gjë??-tha Meta./CNA.al

Lajmet e fundit nga