web counter
LEXO PA REKLAMA!

SHKARKO APP

App Store
Google Play

E fundit!

x

Dështimi i raundit të parë/ Alibeaj bën ironikun: Ne si opozitë e kryem punën tonë

16 Maj 2022, 15:33, Politikë CNA

Raundi i parë i zgjedhjes së presidentit ka dështuar, ndërsa për Enkelejd Alibeajn është fatkeqësi që seanca plenare për këtë çështje të mbyllet për 5 minuta.

Në një dalje për mediat, Alibeaj u përpoq të bënte ironikun, duke thënë se opozita e bëri punën e saj, ndonëse nuk dorëzuan asnjë emër.

?Ishte një raund 27 sekonda, kuptohet çfarë qëndron pas kësaj. Ne e bëmë detyrimin tonë. Kjo mazhorancë nuk e ka legjitimitetin për të zgjedhur presidentin. Qëndrimi ynë është i qartë, e kemi çuar deklaratën zyrtarisht. Nëse do të duhet të zgjedhim presidentin e shqiptarëve, duhet të jetë proces konsensual. Që të jetë një proces i besueshëm dhe jo farsë. Kemi qenë në pritje të qëndrimit të mazhorancës. Propozimi ynë, të zgjidhet në  raundet e para, ku propozimi të jetë yni. Jemi në pritje të qëndrimit të mazhorancës. Propozimi të jetë i opozitës! Presidenti nuk duhet të zgjidhet në raundin e 4-t dhe të 5-të. Nuk duhet të jetë një proces kam një emër, të jap një emër. Ky do të ishte turpi i parlamentit. Kemi një derë kriteresh që duhet të plotësojë. Një nga kërkesat që e kam thënë, mos prisni nga unë dhe i kolegëve të mi, që të bëhet një proces i dhomave të errëta. Me karta të hapura duam të propozojmë?, tha ai./CNA.al





Lajmet e fundit nga