Rama thumbon kryebashkiakun e PS-së/ Përdor autoritetin për të kontrolluar socialistët

16 Maj 2022, 17:43, Politikë CNA

Kryeministri Edi Rama ka ironizuar një kryebashkiak të Partisë Socialiste, teksa ka folur sot për zgjedhjet e kryetarëve të PS-së në qarqe.

Rama tha se çdo socialist ka për detyrë që të krijojë besim dhe ta trajtojë me seriozitet procesin e zgjedhjeve, ndërsa theksoi se nuk duhet lejuar që t?i mbyllen dyert ndonjë kandidati siç ka ndodhur më parë.

Kreu i qeverisë u shpreh se nuk duhet që drejtimi vendor i partisë të bjerë në duart e kryebashkiakut dhe që më pas ky i fundit të ushtrojë autoritet mbi socialistët.

?Në radhë të parë kjo është çështje besimi dhe na takon ne të gjithëve që ta ndërtojmë besimin në këtë proces. Në radhë të dytë, është çështje serioziteti. Na takon ne ta trajtojmë këtë çështje me seriozitet që të mos ndodhin më ato gjëra që kanë ndodhur që i është shtyrë dera njërit, nuk i është hapur dera tjetrit, është refuzuar një i tretë për të nxjerrë një kandidat që pastaj ka dalë dhe ka marrë mbështetje në një rreth të mbyllur të quajtur Asamble Socialiste dhe që e dimë shumë mirë se si kanë vajtur pastaj këto punë. Na kanë lënë pa lidership vendor në parti dhe gjithë lidershipin pastaj e kanë marrë kryetarët e bashkisë, edhe për të qeverisur, edhe për të drejtuar partinë, edhe këtë, edhe atë.

Dhe duke qenë pastaj jeta e lidhur detyrimisht me interes dhe duke pasur kryetarët e bashkisë edhe mundësinë që të ndikojnë përmes forcës së autoritetit dhe aftësisë për t?i ardhur sipas vazit njërit apo tjetrit dhe për t?i shkuar kundër njërit apo tjetrit, është krijuar një situatë ku ata që mund të jenë vërtetë të talentuar, ata që mund të jenë vërtetë të apasionuar, ata që mund të jenë vërtetë të dëshiruar ta bëjnë këtë rol, nuk e marrin përsipër, ose edhe kur e marrin fiken se nuk i krijohet mundësia që në atë hapësirë të lulëzojnë talentet që kanë?, deklaroi kryeministri.

Pavarësisht se Rama nuk përmendi emra, mendohet se deklaratat e tij i drejtohen kryebashkiakut të Vlorës, Dritan Leli, me të cilin, siç është raportuar edhe më parë, kreu i qeverisë ka pasur përplasje të vazhdueshme.

Kryeministri e ka cilësuar si të ?vdekur? Lelin, ndërsa edhe koordinatori politik i qarkut të Vlorës, Arben Ahmetaj, ka deklaruar se ka pasur disa herë debate me kryebashkiakun socialist./ CNA.al