web counter
LEXO PA REKLAMA!

SHKARKO APP

App Store
Google Play

Zgjedhja e presidentit të ri/ Bylykbashi: Do të negociojmë me aleatët

16 Maj 2022, 19:36, Politikë CNA

Deputeti Oerd Bylykbashi shpjegoi se përse Partia Demokratike ka ngritur një grup negociator për Presidentin e Republikës edhe pse Edi Rama nuk pranon të negocoijë me ta, por vetëm me grupin Alibeaj.

I ftuar në emisionin “Të Paekspozuarit” me Ylli Rakipin, Bylykbashi sqaroi se negociatat do t’i kryejnë me aleatët, pra me Fatmir Mediun, Monika Kryemadhin, Vangjel Dulen, etj.

?Mandati që kemi ne është të gjejmë konsensus me partitë e tjera opozitare. Nje konsensus në lidhje me si do të jetë Presidenti i Republikës. Rezoluta nga njëra anë jep vija të kuqe të qarta, nga ana tjetër, jep marzhe të mira.

Ne e kemi shumë të thjeshtë votën kundër. Ne nuk e bojkotojmë procesin, nuk ikim nga salla. Nëse Presidenti vjen si propozim nga Rama, do ta votojmë kundër. Nëse ai peshkon 84 votat, përsëri është farsë. Por, ne duhet ta diskutojmë me partitë aleate.

Fatmir Mediu, Agron Duka, zoti Dule, Idrizi, zonja Kryemadhi.

Kushtetuta jep mundësinë që kandidaturat të futen në secilin nga katër raundet e para. Ne na bie barra që në këto negociata të përcaktojmë qëndrimin e përbashkët si parti opozitare?, tha Bylykbashi./CNA.al





Lajmet e fundit nga