E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

"Ta plas dyfekun në faqe unë!”/ Shehaj, “sherr” me Lorenc Vangjelin: Po më kërcënon…

16 Maj 2022, 20:42, Politikë CNA

Biseda mes deputetit Agron Shehaj dhe analistit Lorenc Vangjeli ka degjeneruar në një debat të ashpër mes tyre.

Teksa kanë qenë duke folur për akuzat që Shehaj ka ngritur ndaj Damian Gjiknurit se kushëriri i këtij të fundit është shpallur investitor strategjik në Butrint, Vangjeli mohoi që kjo të jetë e vërtetë.

Analisti tha se ka verifikuar në gjendje civile se Gjiknuri nuk ka lidhje me investitorin, ndërsa deklaratën ?ta plas dyfekun në faqe?, Shehaj e ka marrë si kërcënim.

Pjesë nga debati:

Lorenc Vangjeli: E shoh pak të përpjetë procesin, ju keni barrën e provës. Duhet të vërtetoni fjalinë e parë. Ka disa probleme, statusin si investitor strategjik e ka marrë Albstar, që ka ndërtuar stadiumin. Më dërguan tani një foto, tani që po flisni ju.

Agron Shehaj: Çfarë foto?

Lorenc Vangjeli: Kur e verifikoj unë e them. Pjesa e parë e akuzës bie. Ka vërtetuar që pohimi juaj është i pavërtetë, nuk është djali i xhaxhait. Thua është larguar nga Butrinti, është hequr toka dhe është ndërtuar kjo. Nuk kanë të bëjnë, nuk përputhen njollat. Nuk e përfshin këtë zonë.

Agron Shehaj: Ti po na sjell një padi të Gjiknurit ndaj meje, sepse paskam thënë që e ka djalë xhaxhai. Padia nuk është provë, është pretendim.

Lorenc Vangjeli: Po ta njoftoj padinë. Po them çfarë kam parë.

Agron Shehaj: Unë ballafaqohem me të. Meqë ra fjala, po dorëzoj në SPAK, ta nxjerrë SPAK-u a ka lidhje Gjiknuri. E ka djalë xhaxhai? E ka kushëri? Mbaje veten ti…

Lorenc Vangjeli: Hahahah fol më pak se ta përdorin si provë.

Agron Shehaj: Nëse dikush ka mbështetur politikisht dhe pastaj shpallet investitor strategjik dhe i jepet pronë publike në përdorim, mendoj se dikush që zgjidhet për të punuar në interes të qytetarëve të mendojë për veten dhe të bëjë ligje për veten. Ty nuk të bën përshtypje, mua më bën shumë përshtypje. Ta hetojë SPAK-u. Të verifikojë për Gjiknurin, për Xhaçkën.

Lorenc Vangjeli: 70 jetë të kalosh në bibliotekë nuk arrin dot të gjesh çfarë mund të them. Unë mbroj të vërtetën. Ta plas dyfekun në faqe unë!

Agron Shehaj: Po më kërcënon ti mua?

Lorenc Vangjeli: S?ka lidhje, është metaforë. Shpenzo një jetë, të kuptosh metaforën./ CNA.al