web counter
LEXO PA REKLAMA!

SHKARKO APP

E fundit!

x

“Shembja e Teatrit”/ Këlliçi, akuza Ramës dhe Veliajt

17 Maj 2022, 08:37, Politikë CNA

Deputeti i PD-së, Belind Këlliçi, ka rikthyer në vëmendje akuzat ndaj kryeministrit Edi Rama dhe kryebashkiakut Erion Veliaj për shembjen e Teatrit.

Sipas Këlliçit, me rënien e teatrit ra edhe qyteti.

?Kjo është dora që shkatërron. Këta janë vrasësit e kulturës, të trashëgimisë kulturore, të hapësirave dhe gjelbërimit. Janë klientë të korrupsionit, nxitës të kaosit, trafikut dhe betonit.

“Kjo osht Tirona jonë” e Edi Ramës, plani në mendjen e tij të sëmurë që kur ishte ministër i kulturës. Një kryeqytet pa teatër por me shumë kulla në ndërtim.

Qyteti ra kur ra teatri?, shkruan Këlliçi në rrjete sociale.

Sipas tij, Edi Rama dhe Erion Veliaj goditën qëllimisht teatrin për të instaluar diktatin e klientelës së tyre në zemër të Tiranës, për t’i treguar shqiptarëve se kush udhëheq këtu. ?Pastruesit e parave të pista, bijtë e atyre që shkatërruan kisha, xhami e teqe,  janë e njëjta farë shkatërrimtarësh.

Në kulmin e pandemisë, Edi Rama dhe Erion Veliaj realizuan aktin më të shëmtuar në historinë e Tiranës. Një krim pa ndëshkim?, shkruan më tej Këlliçi./CNA.al





Lajmet e fundit nga