web counter
LEXO PA REKLAMA!

SHKARKO APP

App Store
Google Play

E fundit!

x

“Parlament show”/ Kastriot Frashëri: Në Pazarin e Roskovecit nuk gjendet asnjë kalorës për President

16 Maj 2022, 16:51, Politikë CNA

Avokati dhe aktivisti, Kastriot Frashëri, ka reaguar në lidhje me dështimin e raundit të parë për zgjedhjen e Presidentit të ri, pasi në Kuvend nuk u depozitua asnjë emër nga partitë politike.

Frashëri ka ngritur tonet ndaj politikanëve, teksa e cilëson seancën e sotme si ?Parlament show? , skandal dhe një turp kombëtar.

Me ironi ai deklaron se në Pazarin e Roskovecit nuk po gjendet asnjë kalorës për President. Avokati thekson se së paku Parlamenti duhet të kishtë marrë në shqyrtim dy kandidaturat e vetëofruara për President, Sazan Gurin dhe Elena Kocaqin.

Shkrimi i plotë i Kastriot Frashërit:

Parlament show

Në Pazarin e Roskovecit nuk gjendet asnjë kalorës për President

Sot Parlamenti i Shqipërisë sipas procedurave Kushtetuese duhet të zgjidhte Presidentin e Republikës, por udhëheqësit politikë të Shipërisë duke treguar edhe një herë mendësitë e tyre feudale nuk dërguan asnjë kandidat në Kuvend për t’u votuar.

Ky akt nuk është thjesht skandal por një turp kombëtar!

Kaq e turpshme është kjo qasje primitive e politikës shqiptare sidomos e mazhorancës qeverisëse ndaj institucionit të PRESIDENTIT po të mbahet parasysh fakti se ishte vetë ajo që prej mëse dy vjetësh mezi priste që të vinte kjo ditë, duke ngulmuar shkarkimin e tij. Sot që kjo ditë erdhi vetvetiu, pa komisione hetimore dhe pa Komisionin e Venecias për të cilët u derdhën djersë, letran para dhe bojë pa fund po këta për turp dhe fatkeqësi kombëtare nuk kanë ende një emër konkret që qëzon integritet moral dhe profesional për ta propozuar për  të qenë kreu i shtetit?!

Shqipëria ime!

Krenohu sot, si askund tjetër në botën e qytetëruar, në mijëvjeçarin e Tretë, me aspiratat që dëgjon përnatë nëpër TV nga bandillët tanë si përallat dikur në ekran, të antarësimit në Bashkimin Europian dhe me kontrollin demokratik Euro-Atlantik, sesi tallen me ju dhe Shqipërinë këta kleptokratët e vendit duke mos i dhënë mundësinë shqiptarve të kemi normalisht një President Republike jashtë maryfeteve të xhambasve të Pazarit të Roskovecit dhe kalorësve të tyre!

Nuk kam parë në asnjë vend të botës që ditën e zgjedhjes së Presidentit të Republikës jo më të mos bëhet votim, por as edhe të ketë një kandidat për president. Të paktën të kishin marë ndonjë nga kandidatët e vetëofruar! Kaq shumë paskemi përparuar?…

Kjo është Shqipëria që doni!/ CNA.al





Lajmet e fundit nga