web counter
LEXO PA REKLAMA!

SHKARKO APP

App Store
Google Play

E fundit!

x

Inceneratorët/ Kryemadhi “shuplakë” Ibrahimajt: Çfarë bëhet me paratë e buxhetit të shtetit

6 Korrik 2022, 15:29, Aktualitet CNA
Inceneratorët/ Kryemadhi “shuplakë” Ibrahimajt:
Kryetarja e LSI, Monika Kryemadhi

Kryetarja e LSI, Monika Kryemadhi, ka reaguar menjëherë pas deklaratëve të ministres Delina Ibrahimaj në lidhje me inceneratorët.

Kryemadhi kërkoi që ministrja të bënte transparencë dhe të shpjegojë se çfarë bëhet me paratë e buxhetit të shtetit.

“Ka një reagim pas kaq kohësh, por jam e bindur se në deklaratën e saj ka shumë luhatje. I kërkoj ministre të tregojë çfarë transparence është bërë në inceneratorin e Tiranës. Nuk është i realizuar. dhe nëse jo, a mund të thotë ministria sa paguar deri tani. Këto 47 mln euro që janë paguar, për çfarë kanë shërbyer? Kjo është detyrë kryesore e Ministrisë së Financave për të shpjeguar se ç’bëhet me paratë e buxhetit. Unë e di mirë dhe s’ka nevojë të ma thotë ministrja se kompanitë që kam denoncuar janë falso, që nuk kanë mallra në magazinë dhe as njerëz të punësuar. Kemi kontrolluar, në bazë të dokumentacionit që kemi, që këto kompani kanë shërbyer për të bërë gjithë evazionin fiskal të Klodian Zotos dhe kompanive të tjera. A i keni kontrolluar magazinat e këtyre kompanive? Pyes unë sot ministren e Financave. Në këto kompani, hetimi tatimor nuk ka zbarkuar asnjëherë”, tha Kryemadhi./CNA.al





Lajmet e fundit nga