web counter
LEXO PA REKLAMA!

SHKARKO APP

App Store
Google Play

Inceneratorët, miliona për mercenarët mediatikë/ Dosja që “fle” në SPAK

15 Korrik 2022, 10:13, Denoncim CNA

Inceneratorët, miliona për mercenarët mediatikë/ Dosja

Prokurorët e SPAK-ut, përtej kompanive të inceneratorëve, nuk duhet të harrojnë edhe lidhjet e medias dhe si u ble media.

CNA.al, ka treguar me dokumente ekskluzive sesi televizione, gazetarë, e portale, janë paguar nga Klodian Zoto, Mirel Mërtiri dhe Stela Gugallja. Njerëzit e skemës së inceneratorëve në Elbasan, Fier dhe Tiranë.

Inceneratorët, miliona për mercenarët mediatikë/ Dosja

CNA.al ka mundur të sigurojë nga burime zyrtare, të dhëna që tregojnë pagesa, të cilat janë të ndryshme në varësi të “pazareve”, apo shërbimeve që kanë bërë mediat.

Janë emrat kryesorë të televizioneve informative, janë portalet, kryesisht pranë qeverisë, por edhe individë, pra zëra publikë, të cilët shpesh shfaqeshin në ekran dhe bëjnë mbrojtjen publike të inceneratorëve.

Bëhet fjalë për pagesa direkte nga kompanitë e inceneratorëve për mediat, duke i justifikuar si publicitet e të tjera forma e mënyra. Deri tek subjektet fiktive që kanë të njëjtat adresa, në televizione kombëtare, ku fshihen emra personash të stafit, të cilët kanë hapur kompani dhe janë paguar nga inceneratorët.

Kompania “Focus Group”, e Irfan Hysenbelliut që përfshin televizionin News 24, Balkanweb, etj, ka marrë miliona lekë nga inceneratorët, ndërsa në listëpagesë ka qenë edhe kompania e televizionit Fax News.

Vetëm në gjysmën e parë të 2021, “Focus Media News”, ka marrë gati 100 milionë nga kompania e Klodian Zotos, të inceneratorëve.

Inceneratorët, miliona për mercenarët mediatikë/ Dosja

Edhe Fax Media News, është paguar sistematikisht nga kompanitë e inceneratorëve.

Sipas të dhënave të siguruara nga CNA.al, në të paktën 7 fatura të vitit 2021, vlera shkon mbi 90 milionë lekë, para të ekzekutuara për , Fax Media News.

Inceneratorët, miliona për mercenarët mediatikë/ Dosja

Ndërkohë, miliona kanë marrë edhe portale periferike, apo edhe “doktori” i Spitalit Amerikan, Baton Haxhiu.

Bëhet fjalë për pagesa të kryera nga kompanitë e inceneratorëve, për “Albanian Post”, që administrohet nga Baton Haxhiu, i cili është edhe ortak i vetëm me 100% të kapitalit.

Inceneratorët, miliona për mercenarët mediatikë/ Dosja

Një ndër mediat e paguara nga kompanitë e inceneratorëve është edhe ajo e Carlo Bollinos.

Carlo Bollino dhe mediat e tij paguhen prej vitesh nga pronarët e inceneratorëve me shuma që në total kalojnë qindra milionë lekë.

Sipas dokumenteve ekskluzive të siguruara nga CNA.al, MTSC e Carlo Bollinos është paguar rreth 40 mijë euro në 7 fatura të ekzekutuara, ku vetëm në muajin prill janë paguar 18 milionë lekë ose gati 17 mijë euro.

Inceneratorët, miliona për mercenarët mediatikë/ Dosja

Ndërkohë miliona lekë kanë shkuar edhe per kompanitë e gazetarit Endrit Habilajt, kompanitë e të cilit kanë përfituar rreth 50 mijë euro. Kompani të cilat ndodhen në të njëjtën adresë me godinën e Top Channel.

Pa folur më tej, edhe për ortakëritë e aksioneres së Top Channel, Vjollca Hoxha, me pronarët e inceneratorëve. Janë të paktën dy kompani, ku Vjollca Hoxha del në ortakëri direkte me pronarët e inceneratorëve.

Dhe tashmë është në dorën e SPAK-ut, i cili duhet të hetojë çdo transaksion, të gjithë zinxhirin e kompanive, dhe çdo person që ka marrë “thelën” e tij në këtë aferë.

SPAK duhet të hetojë ku kanë shkuar paratë e taksapaguesve shqiptarë dhe duhet tju rikthehen qytetarëve.

Pasi ata paguajnë taksa, i morën inceneratoret që paguajanë mediat.

Çdo qindrakë duhet të hetohet dhe të kthehet në buxhet./CNA.al

 





Lajmet e fundit nga