LEXO PA REKLAMA!

SHKARKO APP

Partia e inceneratorëve kërkon hetimin e Veliajt/ “Është përgjegjësi kryesor për aferën”

13 Korrik 2022, 09:30, Politikë CNA
Partia e inceneratorëve kërkon hetimin e Veliajt/
Selia e LSI-së

Ish-deputeti i partisë së inceneratorëve, Endrit Braimllari, ka sulmuar sërish kryetarin e bashkisë së Tiranës, Erion Veliaj, për inceneratorin e Tiranës.

Me anë të një statusi në rrjetet sociale, Braimllari deklaron se Veliaj ka tejkaluar kompetencat e kryetarit të bashkisë dhe të këshillit bashkiak me firmën e tij.

Ai kërkon që SPAK të thellojë hetimet në këtë skandal dhe të marrë nën hetim Erion Veliajn.

Me anë të një statusi në rrjetet sociale, ish-deputeti i partisë së inceneratorëve bën Veliajn përgjegjës kryesor për këtë aferë.

“Qytetarët e Tiranës paguajnë çdo ditë 80.000 euro për inceneratorin e Tiranës, i cili nuk funksionon.

Firma e Erion Veliajt në kundërshtim me ligjin, duke tejkaluar kopetencat e kryetarit të bashkisë, duke vjedhur kompetencat e këshillit bashkiak tregon qartë pse duhej.

Grupi i strukturuar kriminal ka qenë i qartë kur ka marrë këtë vendim. "Të gllabërojmë çdo gjë të mundshme duke filluar nga ndërtimi i inceneratorëve, tek grumbullimi i mbetjeve dhe deri tek evazioni fiskal me firma fiktive"

SPAK duhet të thellojë hetimet në këtë skandal duhet të marrë nën hetim Erion Veliajn, ai është përgjegjësi kryesor i kësaj skeme mafioze në Tiranë.

Qytetarët e Tiranës paguajnë çdo ditë 80.000 euro për këtë aferë korruptive, e cila nuk i shërben qytetit dhe qytetarëve të Tiranës, por vetëm xhepave të Erion Veliajt”, shkruan Braimllari./ B.A. – CNA.al

Lajmet e fundit nga