“Qetësohu apo u eksitove nga 2 mijë lekëshi”/ Degjeneron debati mes Telitit dhe Kadiajt

12 Korrik 2022, 22:02, Politikë CNA

“Qetësohu apo u eksitove nga 2 mijë lekëshi”/

Anëtari i Këshillit Kombëtar të Partisë Demokratike, Dorian Teliti, është përfshirë në një debat të ashpër me zëvendësministrin e financave, Besart Kadia.

Duke folur për rritjen e çmimeve, Teliti tha se paketa e rezistencës që qeveria vuri në dispozicion pak muaj më parë, ishte vetëm një mijë lekë të vjetër në ditë.

“Një panine kushton 200 lekë (të vjetër), dhe një vezë 280 lekë… kaq mund të vlejë ai me 500 lekë të vjetër”, tha ai ndër të tjera.

Më pas Teliti iu drejtua Kadisë, duke i nxjerrë mbi tryezë 2 mijë lekë të vjetra, e duke “e sfiduar” nëse një familje me katër anëtarë mund të jetonte me kaq para në ditë.

Pjesë nga debati:

Teliti: Të sfidoj, katër veta ti në familje katër dhe unë, ja 2 mijë lekë të vjetra.

Kadia: Nuk dalin.

-Atëherë cila është detyra e qeverisë? Që me ato mundësi që ka…

-As 10 mijë lekë të vjetër s’dalin, ça po thua tani se s’të marr vesh? ça ma nxjerr atë 2 mijë lekëshin në televizion.

-Mos e ngri zërin!

-O Dorian as 10 mijë lekë s’dalin ça po thua.

-Ju si qeveri çfarë keni menduar të bëni?

-Politika 2 mijë lekëshe do të bësh?

-Po ju po bëni politikë 1 mijë lekëshi… Po cili është plani juaj? Sa ishte paketa 1 mijë lekë në ditë.

-A ka mundësi të komunikosh.

-A ka mundësi të përgjigjesh? Kur paska para për prokurim të drejtpërdrejtë pa garë, 15 mln euro për një mirëmbajtje rruge, kur paska para për t’u dhënë për koncensione, pse nuk paska disa qindarka për të ndihmuar qytetarët.

-2 qind lekë është e vështirë të jetosh kur rriten çmimet, se di pse duhet të bërtasësh kur unë e thashë i pari… është një fenomen që nuk dihet kur mbaron…

-Ky 2 mijë lekëshi këtu në qindra mijëra shqiptar është leku i vetëm që kanë në xhep.

-Mos bërtit sikur po thua diçka, qetësohu se po të kap entuziazmi politik, ose u eksitove nga 2 mijë lekëshi që ke në dorë.

-Qetësohu dhe mbaj nivelin e bisedës, mos e ul nivelin./CNA.al