web counter
LEXO PA REKLAMA!

SHKARKO APP

App Store
Google Play

“Po kryhen vjedhje të paimagjinueshme”/ Berisha, akuza të forta qeverisë: Po grabisin për fisin e tyre

12 Korrik 2022, 18:53, Politikë CNA
“Po kryhen vjedhje të paimagjinueshme”/ Berisha, akuza të
Kreu i PD-së, Sali Berisha

Kreu i PD-së, Sali Berisha, po zhvillon një takim me krerët e degëve të PD-së, në Tiranë, ku dhe ka hedhur akuza të forta ndaj qeverisë.

Berisha theksoi se çdo ditë po dalin paratë e vjedhura nga qeveritarët, duke përdorur emrat e një bariu në Athinë apo të gjallëve dhe të vdekurve.

Kreu i PD-së, tha se po kryhen vjedhje të paimagjinueshme, duke u shprehur se qeveria është vërsulur me tërbim në pronat publike.

“Kjo është një betejë për jetë a vdekje e demokracisë shqiptare, e cila de facto sot të vetmen gjë që ka, ka atë arritje të 7 korrikut, opozitën e vërtetë në sheshbetejë. Të gjitha këto kanë ndodhur para syve të shqiptarëve, të botës. E them këtë para jush me lutjen që ta ndërgjegjësojmë veten dhe qytetarët, se shpëtimi vjen vetëm nga Partia Demokratike, Shoqëria Civile dhe forcat e tjera politike opozitare. Ne jemi ata që duhet të vendosim për të marrë fatin tonë në dorë. Ne sot kemi një qeveri, e cila në mënyrë absolute nga mëngjesi e deri në darkë nuk ka agjendë tjetër veç vjedhjes së qytetarëve. Ju e shihni, çdo ditë dalin milionat e parave të vjedhura të fshehura, diku te një bari në Athinë, diku te varrezat e Shkodrës, te qytetarë të ndryshëm të gjallë dhe të vdekur që s’kanë asnjë lidhje me paratë që kanë fshehur tek ata. Prisni, është fillimi, se këta të cilët kanë ndërtuar kilometrin e rrugës Ibë-Farkë me 30 mln euro, aty vëllimet e punimeve nuk janë kurrë më shumë se 3-4 mln euro maksimumi, se kanë pasur një shembje. Pra, 10-fishi. Kanë vjedhur dhe i kanë depozituar në emra të gjallësh, të vdekurish, pensionistësh në azil", tha  Berisha./A.E-CNA.al





Lajmet e fundit nga