web counter
LEXO PA REKLAMA!

SHKARKO APP

App Store
Google Play

E fundit!

x

Butrinti me koncesion/ Zhupa: Turp për komisionin e Ekonomisë, dekreti nuk u lexua fare

12 Korrik 2022, 14:29, Politikë CNA

Butrinti me koncesion/ Zhupa: Turp për komisionin e Ekonomisë, dekreti

Deputetja e Partisë Demokratike, Ina Zhupa ka reaguar pasi Komisioni i Ekonomisë, rrëzoi dekretin e Presidentit Meta, i cili riktheu në Kuvend ligjin për dhënien e parkut të Butrintit me koncesion.

Në një postim në rrjetet sociale, Zhupa e cilëson të turpshëm votimin në Komisionin e Ekonomisë, ndërsa shton se janë shkelur ligjet, kushtetuta dhe konventa e Parisit.

Po ashtu ajo shkruan se votimi ishte i paracaktuar dhe se dekreti i Presidentit nuk u lexua fare.

“Heqja e të drejtës së fjalës në kundërshtim me rregulloren ishte shfaqja e turpshme e frikës që argumentat pro dekretit të kishin zë publik.

Turpi i komisionit të ekonomisë është që voton i paracaktuar kundër dekretit të presidentit dhe pro koncensionit të Butrintit.

Grehina e koncensionit ka rënë sepse janë shkelur ligjet, kushtetuta dhe konventa e Parisit. Shteti ka hequr dorë nga roli që është i detyruar të ketë nga konventa e Parisit.

Nuk ekziston asnjë model në botë ku shteti është në rol dytësor, i përfaqësuar si pjesë minoritare në menaxhimin dhe administrimin e pasurisë kulturore.

Dekreti i presidentit nuk ishte lexuar fare dhe as nuk ishte marr parasysh, shoqëria civile nuk u lejua në komision, e drejta e fjalës e opozitës u mohua, interesi publik u nëpërkëmb. Buntriti u trajtua nga komisioni i ekonomisë thjesht si mall tregtar që duhet jepet sa më shpejt me koncension.”-shkruan Ina Zhupa./CNA.al





Lajmet e fundit nga