LEXO PA REKLAMA!

SHKARKO APP

E fundit!

x

Çfarë ndodhi në korridoret e Kuvendit/ Shalsi zbardh “përplasjet” me përfaqësuesit e Aleancës për Butrintin

12 Korrik 2022, 11:33, Politikë CNA
Çfarë ndodhi në korridoret e Kuvendit/ Shalsi zbardh
Kryetari i komisionit, Eduart Shalsi

Zbardhet debati në korridoret e Kuvendit, para nisjes së mbledhjes së Komisionit të Ekonomisë dhe Financave, ku po diskutohet dekreti i Presidenttit Ilir Meta, për kthimin në Kuvend të ligjit për menaxhimin e Parkut të Butrintit.

Ka qenë kryetari i komisionit Eduart Shalsi, ai i cili ka zbuluar “përplasjet”, teksa është pyetur nga deputeti Edmond Spaho se përse nuk u lejua që përfaqësuesit e Aleancës për Butrintin të merrnin pjesë në mbledhje.

Shalsi tha se dy persona që kishin ardhur në emër të aleancës e kishin provokuar me një gjuhë rruge.

Pjesë nga diskutimet:

Edmond Spaho: Nisur nga debati që u zhvillua në korridor, si dhe duke pasur parasysh që mbledhjet e komisionit janë të hapura, unë mendoj që ai grup duhet të merrte pjesë dhe jo të pengohej, aq më tepër që çështja është me interes për publikun.

Vendimi që keni marrë nuk më duket i drejtë. Ne dhe mund t’i dëgjonim për këtë çështje, ne kemi dëgjuar dhe grupe me studentë, kemi dëgjuar fondacionin. Nuk më duket normale vendimi për t’i moslejuar, aq më tepër kur ata janë dhe njerëz publikë.

Eduard Shalsi: Faleminderit që më jep mundësinë për të trajtuar pozicionin tim. Fondacioni është lejuar në komision se është pjesë e marrëveshjes. Brenda grupit që erdhi sot ka njerëz që i çmoj edhe i vlerësoj, edhe pse kemi mendime të kundërta.

Por reagova ndaj një apo dy individëve, pjesë e grupit, të cilët nuk kishin synim të shprehnin opinionet, përveçse të bënin provokime dhe të përdornin një gjuhë që të jetë e denjë për rrugën. Me ca tipa si ata të dy, në atë grup ku kishte dhe profesorë, nuk i bëjnë nder, nuk i bën nder as mënyra si flasin, as mënyra si sillen. Kjo është arsyeja se pse ata nuk janë sot në komision./ B.A. - CNA.al

 

 

Lajmet e fundit nga