web counter
LEXO PA REKLAMA!

SHKARKO APP

App Store
Google Play

Debate në Komisionin e Ekonomisë/ Ina Zhupa ndërpret Shalsin, acarohet Erion Braçe

12 Korrik 2022, 11:20, Politikë CNA
Debate në Komisionin e Ekonomisë/ Ina Zhupa ndërpret Shalsin,
Ina Zhupa, në Komisionin e Ekonomisë dhe Financave

Mbledhja në Komisionin e Ekonomisë dhe Financave, ku po diskutohet për çështjen e Butrinit, është shoqëruar me debate mes deputetëve.

Deputetja Ina Zhupa ka shtruar disa pyetje në komision, ndërsa pasi ka marrë fjalën kryetari i komisionit Eduart Shalsi, ajo e ka ndërprerë.

Kjo ka shkaktuar pakënaqësi dhe acarim te Erion Braçe, i cili ka ngritur zërin dhe ka kërkuar që Shalsi të lihet të përfundojë fjalën.

Pjesë nga diskutimi:

Zhupa: Lidhur me procedurën, sqaroj që çështja që ne po trajtojnë lidhet me interesin publik. Si mundet që dëgjesat t’i zgjidhni dhe dëgjoni ju, ata duhet të ishin aty dhe duhet t’i kishim dëgjuar edhe ne… Sjellja juaj ishte e papërshtatshme për interesin publik… Lista që ne na ka ardhur për njerëzit pjesëmarrës, më vjen keq që nuk është ministrja… Thatë që janë bërë 24 dëgjesa raportet e së cilës nuk janë publike, a mund t’i hidhni ju këto që janë bërë 24 dëgjesa me interes për publikun. Ju edhe këtë sot mund të quani dëgjesë, por nuk është dëgjesë, kur ju thatë ne e kemi ndarë mendjen çfarë do bëjmë se e kemi të qartë ku jemi. S’e kuptoj shpejtësinë për t’i ndarë nismat, kur ato bashkërendohen me njëra-tjetrën

Shalsi: Jam i detyruar të përsëris rregulloren e Kuvendit..

Braçe: Prit të mbarojë… Po boll tani…

Zhupa: S’më ndalon dot…

Gjylameti: Lëreni të flasë...

Shalsi: E nderuar kolege që nuk je deputete permanente e këtij Komisioni, por të lutem shumë ka një mikrofon dhe kërkohet fjala. Nëse e keni të vështirë, këto janë rregullat… Seancat dëgjimore janë ezauruar…/ B.A. – CNA.al





Lajmet e fundit nga