web counter
LEXO PA REKLAMA!

SHKARKO APP

App Store
Google Play

E fundit!

x

Nga zgjedhjet e lira te Reforma në Drejtësi/ Ambasadorja Kim takon kreun e OSBE-së, zbulohen diskutimet

12 Korrik 2022, 16:32, Politikë CNA
Nga zgjedhjet e lira te Reforma në Drejtësi/ Ambasadorja Kim takon
Yuri Kim

Ambasadorja e SHBA-së, në Tiranë, Yuri Kim, ka zhvilluar sot një takim me kryediplomatin e OSBE-së, Del Monaco.

Ata kanë diskutuar për angazhimin e përbashkët të dy vendeve për të mbështetur zgjedhjet e lira e të ndershme, reformën në drejtësi dhe luftën kundër trafikimit të qenieve njerëzore.

Përmes një postimi në “Twitter”, ambasadorja Kim thekson se SHBA dhe OSBE inkurajojnë Shqipërinë që të mundësojë votën e diasporës sa më shpejt që të jetë e mundur, siç e kërkon Kushtetuta.

“U takova me ambasadorin e OSBE-së, Del Monaco, për të diskutuar angazhimin tonë të përbashkët për të mbështetur zgjedhjet e lira dhe të ndershme, reformën në drejtësi dhe luftën kundër trafikimit të qenieve njerëzore. Ne inkurajojmë Shqipërinë që të mundësojë votën e diasporës sa më shpejt që të jetë e mundur, siç e kërkon Kushtetuta. SHBA është e kënaqur të mbështesë Shqipërinë në përpjekjet e saj për të forcuar institucionet dhe proceset gjyqësore, duke përfshirë zhvillimin e programit të ri të masterit në kriminologji”, shkruan ambasadorja Kim./E.T-CNA.al

 





Lajmet e fundit nga