A është Mirel Mërtiri “truri” i inceneratorëve?/ Tri dokumentet që e kapin “mat”

21 Qershor 2022, 12:16, Denoncim CNA

A është Mirel Mërtiri “truri” i inceneratorëve?/

Pas ardhjes së Rilindjes në pushtet, pas vitit 2014, Qeveria shqiptare firmosi tri kontrata koncesionare, për ndërtimin e tre inceneratorëve në Elbasan, në Fier dhe në Tiranës.

Fituesit e koncesioneve janë një rrjet kompanish, në ortakëri me njëra-tjetrën, si dhe kompani të regjistruara në parajsa fiskale.

Por, kush është “truri” i kësaj skeme?

Koncesioni i inceneratorëve, tashmë është në hetim nga drejtësia. Një ish-ministër dhe një ish-deputet janë vënë në pranga, si dhe janë shpallur në kërkim Klodian Zoto dhe Stela Gugallja.

Por, nga ana tjetër, SPAK nuk ka shpallur në kërkim një tjetër personazh, i cili dyshohet të jetë “njeriu hije”, pas skemës së inceneratorëve.

Bëhet fjalë për shtetasin Mirel Mërtiri, për të cilin në media është përfolur si “truri” i skemës së inceneratorëve në Shqipëri.

Katër faktet që lidhin Mirel Mërtirin me inceneratorët
15 Qershor, 15:02

Emri i Mirel Mërtirit nuk dilte drejtpërdrejtë në skemë. Por, ditët e fundit CNA.al ka publikuar fakte dhe dokumente ekskluzive që tregojnë lidhjen e drejtpërdrejtë të Mirel Mërtirit me kompanitë, që kanë marrë koncesionin e inceneratorëve në Shqipëri dhe që tashmë po tentojnë të shpërndahen në shumë vende të botës.

Së pari, doli që Mirel Mërtiri ka qenë drejtor i kompanisë “Integrated Technology Services”. Kjo e fundit kompania që ka marrë koncesionin e inceneratorit të Tiranës.

Gjithashtu, emri i Mirel Mërtirit dilte si administrator edhe në kompaninë "ER One Albania", ku bashkëjetuesja e tij Stela Gugallja është ortake me "Energy Recuperator", e cila ka si ortakë dy shtetas italianë, Ernesto Granelli dhe Mario Granelli.

Më tej, është dokumenti i publikuar nga CNA.al, ku Mirel Mërtiri del si negociator i "Geogenix B.V", në Zimbabve.

A është Mirel Mërtiri “truri” i inceneratorëve?/

Dokumenti i dytë, është në Irak. Në vitin 2019, Mirel Mërtiri shfaqet drejtpërdrejt me firmën e tij në Irak, si përfaqësues i kompanisë "Integrated Energy B.V.".

Ndërkohë, së fundi emri i tij del edhe në një akt noterial, për të hapur llogari apo për të transferuar para në Zvicër.

Ai që deri dje dilte si një “oborrtar” i thjeshtë, tashmë faktohet lidhja e Mirel Mërtirit me inceneratorët, në më shumë se një rast.

Në dokumentin e tretë, të publikuar nga CNA.al, kompania "Integrated Energy B.V.” autorizon Mirel Mërtirin të transferojë paratë në Zvicër.

Dokumenti i tretë që lidh Mirel Mërtirin me inceneratorët
20 Qershor, 13:15

Pra, ai që deri dje dilte si një “oborrtar” i thjeshtë, tashmë faktohet lidhja e Mirel Mërtirit me inceneratorët, në të paktën tri dokumente. Dhe SPAK-u është përballë provave.

Tre inceneratorët e pretenduar

Inceneratori i Elbasanit, një kontratë 22 milionë euro, u fitua nga kompania “Albtek Energy” më 12 dhjetor 2014. Kompania është themeluar më 10 korrik të 2014-ës nga Stela Gugallja.

Ndërsa inceneratori i Fierit, një kontratë 28 milionë euro, u fitua nga kompania “Integrated Technology Waste Treatment Fier” e themeluar në tetor të 2016. Kompania zotërohej fillimisht nga “Integrated Energy Services” me 80 për qind dhe kompania italiane “Energy 2” me 20 për qind të aksioneve.

Dhe inceneratorin e Tiranës, një kontratë 128 milionë euro, e fitoi kompania “Integrated Energy B.V S.P.V”, me drejtues Klodian Zoton.

Por, ndërsa kanë kaluar rreth tetë vite nga firmosja e kontratave koncesionare dhe janë paguar miliona euro nga taksat e shqiptarëve, sot që flasim në Shqipëri kemi dy inceneratorë që nuk funksionojnë, në Fier dhe në Elbasan, ndërsa në Tiranë nuk ka incenerator. Por, vetëm një landfill./CNA.al