LEXO PA REKLAMA!

SHKARKO APP

App Store
Google Play

Denoncimi i CNA.al/ Këlliçi “nxjerr zbuluar” Ramën e Veliajn, për Mërtirin e inceneratorëve

20 Qershor 2022, 19:48, Aktualitet CNA
Denoncimi i CNA.al/ Këlliçi “nxjerr zbuluar” Ramën
Anëtari i Kryesisë së Partisë Demokratike, Belind Këlliçi

CNA.al publikoi sot një tjetër dokument ekskluziv, që tregon lidhjen e Mirel Mërtirit me kompaninë “Integrated Energy B.V.", e cila duket se qëndron në majë të piramidës që ka marrë koncesionin e inceneratorëve në Shqipëri.

Bëhet fjalë për një deklaratë noteriale, e lëshuar nga kompania "Integrated Energy B.V.", që autorizon Mirel Mërtirin të hapë llogari bankare apo të transferojë para, në emër të kësaj kompanie, në Zvicër.

Lidhur me këtë denoncim të CNA.al, ka reaguar pak më parë edhe deputeti dhe anëtari i Kryesisë së Partisë Demokratike, Belind Këlliçi.

Deputeti deklaron se dokumentet tregojnë se Mirel Mërtiri kryen një sërë detyrash për llogari të kompanisë së Klodian Zotos së inceneratorëve.

Këlliçi nuk kursen as akuzat ndaj kryeministrit Edi Rama dhe kryebashkiakut të Tiranës Erion Veliaj, teksa shprehet se po i vendosin emra ndjellës klientëve të tyre shqiptarë, duke i quajtur holandezë të suksesshëm apo investitorë strategjikë e seriozë.

Denoncimi i CNA.al/ Këlliçi “nxjerr zbuluar” Ramën

“Mirel Mërtiri delegat, përfaqësues apo negociator?

Dokumentet e publikuara së fundmi tregojnë se Mirel Mërtiri kryen një sërë detyrash për llogari të kompanisë së shtetasit Klodian Zoto, edhe ky i fundit klient besnik i qeverisë në aferën e inceneratorëve.

Mërtiri është personi i autorizuar nga pseudokompania hollandeze për të dërguar paratë në Lugano, Zvicër.

Çifti Rama-Veliaj i vendos emra ndjellës klientëve të tyre shqiptarë. I quajnë hollandezë të suksesshëm apo investitorë strategjikë e seriozë. Në të vërtetë këta janë mall vendi i fabrikuar në zyrat e Rilindjes.

Për sa kohë SPAK hesht, paratë e shqiptarëve do shkojnë me arka peshku në bankat e Zvicrës”, shkruan anëtari i Kryesisë së PD-së në rrjetet sociale./ B.A. – CNA.al

 

Lajmet e fundit nga