E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Skandali me sekretet shtetërore/ Reagon Xhuljana Dumani

20 Qershor 2022, 15:34, Aktualitet CNA

Xhuljana Dumani

Xhuljana Dumani, motra e Nuredin Dumanit, ka reaguar pas shpërthimit të skandalit të pajisjes me certifikatë sigurie nga DSIK.

Në një reagim për mediaat ajo shkruan se është perpjekur për të ndërtuar një jetë normale, larg profilit të vëllait të saj, me dëshirën e një vajze 24 vjeçare, arsimuar me rezultate shumë të mira.

Dumani ka dalë në mbrojtje të Ministrisë së Jashtme, institucionit ku ajo punon dhe ka dhënë dorëheqjen e parevokueshme.

Më poshtë po sjellim reagimin e plotë të Xhuljana Dumanit

Prej së shtunës, 18 qershor 2022 jam bërë objekt i keqinformimit te opinionit publik nga disa media, mbi rrezikun qe une si individ paraqes per sigurine kombetare dhe institucionin qe punoj prej pak muajsh si staf teknik.

Si rezultat i ketyre publikimeve te paverteta, prej 48 oresh jam ne rrezik per jeten dhe e ekspozuar publikisht, jo vetem une por edhe kolege me te cilet punoj prej pak kohesh, e per te cilet do te ruaj vleresimin tim maksimal.

E verteta ime e vetme eshte perpjekja per te ndertuar nje jete normale, larg profilit te vellait tim, me deshiren e nje vajze 24 vjeçare, arsimuar me rezultate shume te mira.

Per shkakun tim prej 48 oresh po akuzohet padrejtesisht edhe institucioni ku une prej pak kohesh kam dhene kontributin tim, ne nje detyre teresisht teknike, pa asnje lidhje per sa pretendohet ne media, per akses ne dokumentacion te klasifikuar.

Jam baltosur ne menyre te padrejte e po vijoj te baltosem e te rrezikohen çdo ore e me shume per shkak te publikimit te te dhenave te mia personale, fotografive, vendit te punes etj, duke ekspozuar seriozisht edhe persona te tjere, "faji i vetem" i te cileve eshte ndarja e oreve te punes me mua.

Duke i kerkuar ndjese institucionit qe per shkakun tim eshte sulmuar per ushtrim detyrash qe nuk i kam kryer asnjehere, me lejoni te jap doreheqjen e parevokueshme dhe te menjehershme nga detyra.

Me respekt, Xhuljana Dumani

Skandali me sekretet shtetërore/ Reagon Xhuljana Dumani