LEXO PA REKLAMA!

SHKARKO APP

Mashtrimi i Ministrisë së Jashtme për motrën e Dumanit/ Çfarë parashikon ligji për cerfikatën e sigurisë

19 Qershor 2022, 17:08, Aktualitet CNA
Mashtrimi i Ministrisë së Jashtme për motrën e Dumanit/
Foto ilustruese

Ditën e djeshme, CNA.al publikoi skandalin e Ministrisë së Jashtme, e cila ka pajisur me certifikatë sigurie motrën e Nuredin Dumanit, vrasësit me pagesë, i cili është arrestuar  dhe po dëshmon para SPAK-ut për krimet e tij.

Xhuljana Dervishi, sipas dokumenteve të siguruara nga CNA.al është pajisur me certifikatë në datën 6.06.2022 nga Drejtori i Përgjithshëm i DSIK-ut, Dorian Tola.

Sot, përmes një njoftimi për shtyp, Ministria e Jashtme nxitoi të reagonte dhe të justifikohej për këtë skandal.

Në reagimin e ministrisë thuhet se Xhuljana Dervishi nuk është punonjëse pranë këtij institucioni, por ajo është një praktikante, që ka hyrë aty si pasojë e rezultateve të larta. 

Por çfarë thotë ligji?

Reagimi i Ministrisë së Jashtme, më tepër sesa një përgënjeshtrim i skandalit, është një mashtrim.

Në ligjin për informacionin e klasifikuar përcaktohet qartë se institucioni përgjegjës (në këtë rast ministria) përcakton personat përgjegjës që mund të jenë në kontakt me informacionin e klasifikuar, e për të cilët duhet nxjerrë detyrimisht certifikata e sigurisë, pas vettingut që gjoja e bën DSIK.

Por kjo gjë  kërkohet vetëm për zyrtarë të shtetit e jo për praktikantë!

Nese kjo është me kontratë 1-vjeçare nuk ka pse të kërkohet për këtë fare ceritifikatë sigurie.

Pyetja që lind në këto kushte është se pse Ministria e Jashtme dhe DSIK praktikanten Xhuljana Dumani me kontratë 1-vjeçare e pajisën me certifikatë 2 muaj pasi emri i të vëllait është bërë lajmi i vitit?

Më tepër sesa një mashtrim, Ministria duhet të flasë me prova konkrete mbi këtë skandal./CNA.al

Lajmet e fundit nga