LEXO PA REKLAMA!

SHKARKO APP

E fundit!

x

Zjarret vënë në lëvizje Peleshin/ Zbardhen porositë e ministrit

18 Qershor 2022, 11:31, Aktualitet CNA
Zjarret vënë në lëvizje Peleshin/ Zbardhen porositë e
Foto ilustruese

Ministri i Mbrotjes, Niko Peleshi, në kuadër të situatave të fundit me zjarret në vend, ka nisur nga Korça turin e takimeve sensibilizuese.

Qëllimi i këtyre takimeve është sensibilizimi i njësive vendore për identifikimin e hershëm dhe eliminimi i vatrave potenciale të zjarreve për të mos lejuar degradimin e situatave veçanërisht gjatë sezonit veror.  

Peleshi është shprehur se nuk duhet pritur deri në avancimin e zjarrit për ta çuar situatën deri në emergjencë.

“Ju kërkoj së pari qytetarisht mirëkuptim dhe bashkëpunim, së dyti ligjërisht. Nuk mund të vazhdojë më kështu që bie një zjarr diku, bashkia bën sikur nuk e shikon, pret sa zjarri të marrë një përmasë të qenësishme dhe pastaj i bie telefonit të marrë helikopterin. Kështu ka ndodhur deri tani. Ne do bëjmë tonën, edhe për rritjen e gatishmërisë së helikopterëve, kemi lajme shumë të mira edhe nga komisioneri i emergjencave civile, të cilit i dhamë aplikimin zyrtar për t’u bërë anëtarë të Mekanizmit Evropian. Kemi marrë sigurinë që do të na përgjigjen, sepse ndonjëherë nuk mjaftojnë as 2 helikopterë, as 5 as flota ndonjëherë kur vatrat e zjarrit janë të shpërndara në të gjithë Shqipërinë siç ishin vitin e kaluar dhe siç parashikojmë të jenë edhe këtë vit”, u shpreh para drejtuesve vendorë ministri i Mbrojtjes, Niko Peleshi.

Peleshi propozoi që puna duhet të nisë me edukimin e komuniteteve që të reagojnë në raste të tilla, punë kjo që duhet të filojë që nga kryepleqtë e fshatrave.  Ai u la porosi prefektëve që të ngrejnë strukturat e emergjencave civile në mënyrë që bashkitë të përfitojnë fondet e buxhetit të dedikuara nga qeveria./ CNA.al

Lajmet e fundit nga