web counter
LEXO PA REKLAMA!

SHKARKO APP

App Store
Google Play

U kap në “shtëpi bari”/ Shqiptari i rrëfen torturat gjykatësit anglez: Më thyen dhëmbët me grushta

17 Qershor 2022, 19:14, Aktualitet CNA
U kap në “shtëpi bari”/ Shqiptari i rrëfen torturat
Foto montazh

Mateo Dedej, 30-vjeçari shqiptar që u arrestua duke shitur drogë në makinë, më 22 qershor të 2020-ës, në Londër, ka dalë së fundmi para Gjykatës së Lartë të Oksfordit.

Ai ka treguar në gjykatë se një prej gangsterëve të bandës që e kishte rekrutuar në “shtëpinë e barit”, e ka goditur aq fort sa i ka thyer dhëmbët.

Ndërsa avokati mbrojtës, Peter du Feu, ka treguar shqetësimin e policisë për mënyrën se si Dedej hyri në “shtëpinë e barit”. Ata e referuan çështjen në Zyrën e Brendshme për të shqyrtuar nëse ai duhet të trajtohej si viktimë e skllavërisë moderne.

I riu shqiptar ka treguar se pjesën më të madhe të jetës së tij e ka kaluar në Itali, ndërsa është shprehur se në Mbretërinë e Bashkuar nuk ishte “skllav”, por kishte shenja presioni të madh.

Mediat e huaja raportojnë se avokati du Feu ka deklaruar para gjykatës se Dedejt i mungonte një dhëmb i përparmë.

Për këtë fakt, gjykatësi Michael Gledhill QC shtyu dënimin për më 15 korrik dhe urdhëroi një raport para dënimit.

Dedej akuzohet për posedim me qëllim të furnizimit me kanabis, posedim kokaine dhe prodhim kanabisi.

Ai ishte lënë i lirë me detyrim paraqitjeje, por për shkak se nuk ishte paraqitur në gjykatë në tetor të 2020-ës, autoritetet lëshuan një urdhër arresti.

Në 2020-ën ai u kap me 16 thasë me kanabis në makinë, dy nga të cilat i kishte gati për t’ia dorëzuar klientit të tij.

Ndërsa në maj të këtij viti, Dedej u kap në një fabrikë kanabisi në shkallë komerciale në Edmunds Road të Banbury, më 12 maj./ B.A. – CNA.al





Lajmet e fundit nga