web counter
LEXO PA REKLAMA!

SHKARKO APP

App Store
Google Play

E fundit!

x

SPAK duhet të arrestojë manipulatorin e dosjes, dhe jo të fshihet pas avokatit të Dumanit

17 Qershor 2022, 12:12, Aktualitet CNA
SPAK duhet të arrestojë manipulatorin e dosjes, dhe jo të fshihet
Struktura e Posaçme Antikorrupsion

Sot Lutfi Dervishi provokoi me një status te vetin duke kërkuar nga SPAK që të zbatojë për vete standartin që reflektoi tek rasti i "hetimit" të dosjes per ish-drejtorin e RTSh.

Lutfi Dervishi:

"Thoma Gëllçin ish drejtorin e RTSH në fillim e arrestuan, pa e ditur nëse kishte ose jo shkelje.

Pastaj filluan të gërmojnë a kishte ndonje shkelje dhe a ishte Thomai qe kishte bërë shkeljen?!"

Gazetari Dervishi ka të drejtë!

"SPAK-ut i kanë dalë sekretet.

Është e qartë shkelja dhe në gjuhën gjyqtarëve dhe prokurorëve kjo quhet fakt i ditur botërisht!

Pyetje:

Pse nuk arrestohen 3 prokurorët e SPAK -ut pastaj të gjejnë kush e nxorri sekretin???"

Pas debateve të djeshme, sot nga SPAK duket se po përcillet informacione sipas të cilave:

Është ai gazetari që ka gënjyer; është ish-pronari i mediave që po luan me gazetarin; është avokati që paska nxjerre proces-verbalet.

I marrim me radhë!

Nëse ai gazetari ka deklaruar falsitete, të nisin procedurat ligjore, penale dhe/ose civile për veprat dhe shkeljet që ka kryer.

I duhet ndihmë SPAK-ut? Ja ofrojmë ne pa pagesë.

Nëse gazetari ka kryer shpifje të konsumuar publikisht, të veprojë ligji. Të gjithë duhet të kuptojnë se kush po manipulon opinionin publik sot. Nëse dikush po i bën shantazh bashkëpunëtorëve, avokatëve, prokurorit, kjo duhet rë dalë nga SPAK, jo nga tavolinat e analistëve që kanë 30 vjet që përdoren nga çdo prokurori (dhe jo vetëm) në këtë vend.

SPAK e ka bere praktikë "pune" nxjerrjen (shitjen???) e akteve proceduriale edhe të atyre të fazave përgatitore.

Ndaj s'e kuptojmë se pse psh Karlo Bolino e paska vënë re këtë vetëm kësaj rradhe dhe është skandalizuar vetëm sot!

Alibia "e ka nxjerrë avokati" ëdhtë mashtrim publik.

As i akuzuari, as dëshmitarët, as avokatët NUK MARRIN KOPJE TË AKTEVE PROCEDURIALE. As të atyre që nënshkruajne vetë.

Nëse avokati ka nxjerrë aktet, atëherë ato i janë dhënë nga PROKURORËT.

Nuk ka opsion tjeter!

Janë prokurorët që rëndom, me copat e letrave qe hedhin ne media, pompojne gjyqet popullore të tavolinave të studiove televizive.

Dhe pas kësaj rehatohen dhe përcjellin dosjet në gjykatë, pa hetim, pa prova, pa analize provash, pa fakte. Vendimin e merr populli i manipuluar nga analistët e studiove. Edhe të atyre që kanë si pronar, ndonjë trafikant me emër!

Urdhëri i nënshkruar nga SPAK nuk ndryshohet dot. Ai sot është në tryezat e të gjithëve.

Të gjithë po lexojnë në një urdhër që i dedikohet gazetareve, dispozita të Kodit të Procedurës Penale!!!

Ç'punë ka gazetari me dispozitat e Kodit të Procedurës Penale?

Gazetari nuk ka rol në procedimin penal.

Ato dispozita janë vetëm për aktorët e një procesi penal.

Nuk duhet të jesh jurist që të kuptosh se si prokurorët kanë lidhur dispozita te procedureës penale me nja 2 të përzgjefhura nga një nen i Kodit penal.

Nëse gazetari ka dosjen, ajo dosje ka dalë vetëm nga prokuorët e SPAK.

Askush nuk merr dhe nuk mban kopje të akteve proceduriale.

Ato i administrojnë vetëm prokurorët.

Nëse avokati ka dosjen ajo i është dhënë nga prokuorët e SPAK.

Me sa duket e vetmja gjë që ka ndryshuar tek kjo prokuroria e re e drejtësisë së re, qenka që këta sot paguhen 5 fish me shume se ata atëherë!

Në fakt janë po ata, por me rroga shumë më të majme, pasi kanë kaluar vettingun për aftësitë profesionale./CNA.al





Lajmet e fundit nga