web counter
LEXO PA REKLAMA!

SHKARKO APP

App Store
Google Play

E fundit!

x

Shkullaku: Yuri Kim, mos i merr shqiptarët për budallenj, siç bën Rama

17 Qershor 2022, 11:58, Aktualitet CNA
Shkullaku: Yuri Kim, mos i merr shqiptarët për budallenj, siç
Armand Shkullaku

Analisti Armand Shkullaku ka komentuar konferencën e organizuar nga qeveria për luftën kundër korrupsionit, ku ishte e pranishme edhe ambasadorja Yuri Kim

Në emisionin Të Paekspozuarit në MCN TV  Shkullaku deklaroi se "qeveria është e përkushtuar për luftën ndaj korrupsionit". 

Sipas tij, konferenca ishte një "shoë propagandistik" dhe i bëri thirrje Kim të ketë pak respekt për audiencën shqiptare, ndryshe nga Rama, që "i merr shqiptarët për budallenj". 

"Ky është një shoë, që e shohim për herë të parë. Është shoë propagandistik. Ka për qëllim, që fytyrat më të errëta të korrupsionit në Shqipëri, t'i paraqësë sikur po luftojnë korrupsionin. Asnjë nuk e ha këtë. Këtë e di edhe ambasadorja amerikane. Ajo e di që gjysma e asaj salle kanë pasuri që nuk i justifikojnë dot. Edi Rama nuk justifikon dot shtëpinë dhe veshjet e tij, që i bën me rrobaqepës nga Italia. Shumica kanë shtëpi, pasuri, vila, makina, që nuk janë të justifikueshme për të ardhurat që kanë . Ambasadorja e di mirë këtë, duhet t'i ketë parë edhe vetë, ka edhe raporte".

"Kjo është e ngjashme me shfaqjen qesharake, që atëherë na revoltonte, por tani na bën për të qeshur, në vitin 2015, në një konferencë për policinë me titull “Lufta kundër drogës një histori suksesi”. Foli Tahiri, Rama, Donald Lu... Ambasadorja nuk është lodhur as të mendojë fjalë të ndryshme. "Luftë e stërmadhe", tha Luja, kështu tha dhe Kim. Por pasi foli Luja, na doli gjithë Shqipëria e mbjellë me drogë, ministri i implikuar".

"A ka shqiptar që nuk e di kush qëndron pas koncesioneve, inceneratorëve, etj? Nuk e di ambasadorja? Nëse kjo është përpjekje e stërmadhe për të luftuar korrupsionin, duke bërë sa më shumë korrupsion… E vetmja gjë që i kërkoj ambasadores, të tregojë më shumë respekt për audiencën shqiptare. Nëse Rama i trajton si budallenj, ambasadorja të paktën mos ti marrë shqiptarët për budallenj. Ajo është mu në mes të atyre…", deklaroi Shkullaku. /CNA.al





Lajmet e fundit nga