web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i Metës/ “Çmimet e ushqimeve do të rriten edhe më shumë”

16 Qershor 2022, 15:29, Aktualitet CNA
Paralajmërimi i Metës/ “Çmimet e ushqimeve do të
Presidenti, Ilir Meta

Presidenti Ilir Meta, përmes një reagimi në rrjetet sociale, shkruan se, pasojat e luftës në Ukrainë kanë shkaktuar efekte valëzuese në mbarë globin në furnizimin me ushqime.

Sipas Presidentit, deri në vitin 2023 do të përballemi vërtet me një problem të disponueshmërisë së ushqimit.

Meta thotë se, udhëheqësit e botës, duhet të bëjnë gjithçka për të sjellë tregjet në stabilitet para se gjërat të përkeqësohen , sepse çmimet globale të ushqimeve do të rriten edhe më shumë.

“Pasojat e luftës në Ukrainë kanë shkaktuar efekte valëzuese në mbarë globin në furnizimin me ushqime, sepse Ukraina dhe Rusia përbëjnë dy nga ‘shportat e bukës’ që furnizojnë botën me 30% të grurit dhe 20% të misrit.

Ndaj dhe në Forumin IX Global të Bakusë nënvizova se për momentin, çmimi i ushqimit është problemi numër një.

Deri në vitin 2023 do të përballemi vërtet me një problem të disponueshmërisë së ushqimit, duke pasur parasysh se rreth 300 milionë njerëz në mbarë botën janë tashmë të pasigurtë përsa i përket ushqyerjes, sipas Programit të Ushqimit Botëror.

Të gjitha portet e Detit të Zi duhet të hapen dhe funksionojnë, përndryshe do të gjendemi me një shpallje lufte ndaj sigurisë globale të ushqimit dhe kjo do të prodhonte uri, destabilizim dhe migrim masiv kudo.

Qindra miliona njerëz në mbarë botën varen nga ushqimi që vjen përmes këtyre porteve.

Udhëheqësit e botës duhet të bëjnë çdo gjë të mundshme për t’i sjellë tregjet në stabilitet përpara se gjërat të përkeqësohen, sepse, në terma afatgjatë, çmimet globale të ushqimeve do të rriten edhe më shumë si rezultat i rolit të Rusisë si prodhuesi kryesor i plehrave të nevojshme për të korrat”, shkruan Meta./ CNA.al





Lajmet e fundit nga