web counter
LEXO PA REKLAMA!

SHKARKO APP

App Store
Google Play

E fundit!

x

Skandal/ Ministria e Ekonomisë bllokon zhvillimin e projektit “Rozafa” në Maliq

15 Qershor 2022, 22:47, Aktualitet CNA
Skandal/ Ministria e Ekonomisë bllokon zhvillimin e projektit
Gjergj Luca dhe Gëzim Topçiu

Biznesmeni Gjergj Luca para një viti nënshkroi një kontratë me Bashkinë e Maliqit, për ndërtimin e Rozafës tek ish fabrika e sheqerit.

Luca, në atë kohë premtoi se do e kishte gati ndërtimin e fabrikës brenda 6 muajsh. Por gjërat nuk shkuan ashtu siç ishin parashikuar. Ministria e Ekonomisë, bllokoi për një vit projektin, duke mos e marrë në shqyrtim.

Luca është rikthyer sërish në Maliq, ku i ka prezantuar kryebashkiakut projektin që do hidhet në zbatim.

Biznesmeni tha se çdo firmë që ka hyrë e ka dalë deri më sot në fabrikën e sheqerit, nuk kanë pasur synim zhvillimin e zonës, por marrjen e hekurit, duke thyer betonin.

“Këto janë zbukurimet e arkitektëve. Unë dua anën funksionale. Kjo është ana funksionaleë e të gjithë kësaj pjese këtu, që është e gjitha e mbaruar. Ne këtë objekt, për të mos e rrëzuar që të ketë lidhje me tjetrën, ne duam që ta presim, të mos e rrëzojmë pjesën lart. Me kate do bëhet vetëm gjysma e magazinës, ndërsa e gjithë pjesa tjetër do të rrijë në këtë formë. Do ta bëjmë në disa vende me xham, për të kuptuar njerëzit se çfarë ka qenë. Dhe nuk kam hall të kuptoni vetëm se çfarë do bëj unë, po unë dua të jap gjithë këtë masakër, që këtu është bërë për 30 vjet në emër të demokracisë. Të gjithë firmat e tjera që kanë hyrë këtu, kanë thyer kollonat për të vjedhur hekurin. Kjo ka qenë historia e 30 vjetëve që kemi investuar.

Pse nuk thoni që për 30 vjet çdo kush që ka ardhur ka hyrë e ka dalë këtu ka thyer betonin për të vjedhur  hekurin. Kjo është gjithë pjesa e jashtme që do të bëhet dhe e gjithë pjesa e jashtme që do bëhet, do bëhet për ti shërbyer funksionalitetit por edhe për të ruajtur edhe historikun e të gjithë kësaj  mbrekullie që ka qenë këtu, e ndërtuar në kohë të komunizmit”, tha Luca.

Ndërsa kryebashkiaku i Maliqit, Gëzim Topçiu tha se nevoja për punësim në këtë zonë është e madhe, teksa vuri në dukje edhe rëndësinë e ndërtimit të Rozafës.

“Kjo është gjëja më e veçantë për qytetin tonë, që është ngritur mbi bazën e e industrisë së sheqerit. Nevoja për punësim në bashkinë e Maliqit është shumë e madhe dhe ajo çfarë ju po bëni në këtë situatë që ska nevojë as për fjalë as për komente, pasi është në degradim të plotë dhe kthimi i saj në gjendje funksionale për të punësuar njerëzit”, tha Topçiu.  

Gjergj Luca më tej, në fjalën e tij, tregoi me detaje projektin, që do të sjell gjallërim të gjithë zonës së Korçës dhe një destinacion të ri për turistët.

“Unë para një viti kam dalë para kamerave dhe kam thënë që kjo do hapet për 6 muaj dhe unë para opinionit publik kam dalë mashtrues. Unë kam dalë mashtrues nga administrata e shtetit, nga Ministria e Ekonomisë, që letrat e mia i ka lënë një vit në raft. Unë u tërhoqa nga ky projekt sepse nuk mund të vazhdoja dot më dhe insistimi juaj mua më ka kthyer prap këtu. Dhe fjala e një mikut tim të shenjtë që Luc të lutem kthehu. Tani unë po rikthehem prap, sepse më në fund ministria e Ekonomisë, administrata jonë e nderuar, ju desh plot një vit për të më hapur mua kanalin jeshil për këto gërmadha që unë të vi t’i kthej në jetë dhe në punë.

Unë këtu do bëj atë punë që di të bëj se nuk jam marrë me gjëra të tjera. Unë do të bëj një fabrikë. Lidhur me fabrikën do të bëj edhe shërbime siç i kam në të gjitha pikat e mia dhe me thënë të drejtën ky është një peshqesh për Maliqin, por edhe një peshqesh për Korçën. Në rast se Rozafa vjen këtu, Korça nuk do të ketë më vetëm lakrorin, byrekun, por më në fund Korça, një qytet me kaq histori, një qytet kaq intelektual do ketë edhe peshkun. Sepse duke pasur Rozafën, do të ketë edhe peshkun. Sepse të gjithë turistët që do të vijnë këtu, do njihen me të gjithë gamën e Adriatikut, qoftë në gastronomi, qoftë në markata për ta blerë. Unë mendoj se kjo është një vlerë e shtuar  për gjithë këtë rajon kaq simpatik. Nëse kjo punë do ishte filluar para një viti, kjo do të gumzhinte nga cicërimat e njerëzve. Ne tani kemi këtu vetëm fole harabelash. Kjo do ishte kthyer në një fole, për njerëzit, për familjarët, për t’i kthyer në jetë. Këtu kemi fole zogjsh dhe trongëllima të dhive që po na vijnë vërdallë”, tha Luca.

Biznesmeni më tej ka hedhur poshtë lajmet që qarkullojnë, se ai e ka marrë tonë me qera për 1 euro, duke u bërë thirrje gazetarëve për të treguar më shumë profesionalizëm në punën e tyre.  

“Lucës i ka falur zoti energji për të pasur mundësi të lërë gjurmët e veta edhe  kur të mos jetë nesër. Gjithë ju gazetarët e rinj që duan të bëjnë tituj për tu lexuar, në një mënyrë të pamoralshme dhe pa thënë thelbin e problemit dhe pa u marrë me pozitivitetin e gjësë, unë nuk me mendoj se këta njerëz do të ecin kurrë në profesionin e tyre. Sepse nuk ka turp më të madh që këta njerëz vazhdojnë nën gjurmat e qenerisë 30 vjeçare për të bërë lajmin që të bëjnë pis çdo gjë që ka mundësi për të ngjallur shpresë dhe jetë”, tha Luca./CNA.al



 





Lajmet e fundit nga