web counter
LEXO PA REKLAMA!

SHKARKO APP

App Store
Google Play

E fundit!

x

Vizita e Ramës në Kiev/ Mustafaj: Ishte show për protagonizëm

15 Qershor 2022, 21:30, Aktualitet CNA
Vizita e Ramës në Kiev/ Mustafaj: Ishte show për
Ish-ministri i Jashtëm, Besnik Mustafaj

Ish-ministri i Jashtëm, Besnik Mustafaj ka komentuar vizitën e kryeministrit Rama dhe kryeministrit të Malit të Zi Abazoviç në Kiev, duke e konsideruara show për protagonizëm.

Ish-ministri ka theksuar se as Shqipëria dhe as Mali i Zi nuk kanë ndonjë rol në fatin e luftës.

“Show, nuk ka rol Shqipëria dhe Mali i Zi në fatin e luftës. Ka të bëjë me protagonizmin. E para, deri tani Rama nuk përmend fare Rusinë. I qan hallin Ukrainës, por nuk shpreh dënim për Rusinë. E dyta, deri tani ka folur trefishin e kohës së Zelenskyt”, tha Mustafaj për ABC.

Lidhur me thirrjen e kryeministrit Rama që shtetet nuk duhet t’i bëjë presion Serbisë për sanksione ndaj Rusisë se kjo dëmton rëndë ekonominë e vendit për shkak të lidhjeve historike, Mustafaj thotë: "është një thirrje pa dobi se nuk e dëgjon njeri. Por fakti që vjen nga kryeministri i Shqipërisë i bën mirë Vuçiçit, por dëm shqiptarëve”. 

Gjithashtu, ish-ministri shton më tej se deklaratat e Ramës në samitin e “Ballkanit të Hapur” ishin kundër interesit të shqiptarëve.

“Spekulimi i Ramës në “Open Balkan” ishte kundër interesit të shqiptarëve, pa një kërkim ndjese nga serbët nuk mund të vazhdohet”, u shpreh Mustafaj./CNA.al

 





Lajmet e fundit nga