web counter
LEXO PA REKLAMA!

SHKARKO APP

App Store
Google Play

E fundit!

x

Vishaj kundër bojkotit të seancave/ “Thumbon” Haxhinë: Nuk bëhet me presione

15 Qershor 2022, 12:27, Aktualitet CNA

Vishaj kundër bojkotit të seancave/ “Thumbon”

Avokati Saimir Vishaj nuk është bërë pjesë e bojkotit të seancave gjyqësore për ndryshimet në hartën e re gjyqësore.

Sipas Vishajt ky nuk është mjeti për  të realizuar qëllimin. Vishaj theksoi se, hhoma e Avokatëve të Shqipërisë i ka të gjitha mundësitë dhe mjetet për tu drejtuar gjykatës kushtetuese ndaj vendimit të KLGJ.

"Shumë prej seancave po shtyhen. Unë detyrimisht kam qenë në seancë ku kam pasur një objekt në GJKKO ku është detyrim paraqitja e avokatit, një objekt marrja e informacionit, revokim i masës së sigurisë.

Që në momentet e para, me vendimin e Dhomës së Avokatisë nuk kemi qenë dakord, pajtohemi me shqetësimin për hartën gjyqësore por mendoj se greva nuk është mjeti për të realizuar qëllimin. Dhoma e Avokatëve të Shqipërisë i ka të gjitha mundësitë dhe mjetet për tu drejtuar gjykatës kushtetuese ndaj vendimit të KLGJ.

Ne do i përgjigjemi kërkesave të klientëve tanë që kanë paguar për të marrë shërbimin, por mendoj që rruga që është zgjedhur për të bojkotuar seancat gjyqësore nuk është zgjidhje. Ky është një projekt pilot, ne kemi pasur përpara dhe harta gjyqësore ku është shkrirë gjykata e Gramshit, Librazhdit, Peqini, Kuçova dhe ka vijuar puna normal", tha Vishaj.

Avokati Vishaj, ka komentuar gjithashtu paralajmërimin nga Dhoma e Avokatisë, për masat e marra deri në heqjen e licensace të avokatëve, duke thënë se dhoma nuk është private por avokatie dhe nuk mund të bëhet presion për heqjen e licensave.

"Megjithatë ka vend që Dhoma të bashkëpunojë me KLGJ. Gjykata Administrative Lushnje është pa kuptim, shkrihet dhe automatikisht ngrihet një gjykatë Apeli administrativ për jugun. Kjo është pa logjikë.

Mjeti më i mirë është kërkesa kundër vendimit në gjykatën kushtetuese nëse do legjitimojmë pa u kryer një vendim nga ekzekutivi që do të kryhet me VKM.

Dihet që harta gjyqësore nuk do të miratohet me ligj nga Kuvendi, por mjafton VKM dhe firmosje nga kryeministri që cdo gjë të kalojë.

Dhoma nuk është një dhomë private, dhomë private për të hequr licensa apo për të bërë presion. Avokati mund të respektojë instancat por nuk mund të bëjë presion që të heqë licensën.

Cili je ti që heq licensën? Nuk jam dakord. Ka dhe shumë avokatë që nuk janë dakord", tha Vishaj./ CNA.al





Lajmet e fundit nga