LEXO PA REKLAMA!

SHKARKO APP

Simon Miraka rrëfehet për diktaturën/ Pse bashkëpunonin të dënuarit me Sigurimin

14 Qershor 2022, 22:50, Aktualitet CNA
Simon Miraka rrëfehet për diktaturën/ Pse bashkëpunonin
Ish i burgosuri politik, Simon Miraka

Ish i burgosuri politik, Simon Miraka, është rrëfyer në lidhje me diktaturën komuniste dhe për pasojat që kanë lënë ekzekutimet e asaj kohe.

Në një intervistë brenda ambienteve të autoritetit të ish-sigurimit të shtetit, Miraka tregoi se refuzoi të bashkëpunonte me Sigurimin.

Ai tha në emisionin “Top Story” se shumica e personave që kanë bashkëpunuar me sigurimin, e kanë bërë për shkak të dhunës.

“Dosjet operative janë dosjet që kanë ndjekur personat, përmes bashkëpunëtorëve që për fat të keq bashkëpunonin me sigurimin. Shumicën e rasteve kanë qenë të detyruar nga dhuna me bashkëpunuar, jo nga dëshira. Kjo periudhë ka qenë një periudhë e errët ka shkaktuar shumë plagë, pothuajse edhe të pashërueshme. 3 Mijë vetë të ekzekutuar nga sigurimi i shtetit… Ato kanë dalë në gjyq dhe gjyqi .. ka një pjesë pa gjyq, një pjesë e mirë e tyre janë ekzektuar pa gjyq, një pjesë me gjyqe të trukuara. Më e keqja është se ata kanë mbetur pa varr kjo e bën edhe më tragjike, dhe tragjedia nuk merrte fund me invidin, pasojat i kishte familja.

Ka qenë e vështirë, nuk isha në një moshë fort të re. Kisha kaluar 27 vite në presion psikologjik, por kur je në të drejtën tënde, merr forcë. Edhe kur shikon që kjo vuajtje shkaktohet nga padrejtësia, të jep fortë. Ti dhunohesh sepse mendon ndryshe, edhe unë mendoja ndryshe. Ata na shikonin si armiq. Ne i kishim dënimet me nga 5 vjet, që të merrje një goditje. Njeriu shpreson që pas 5 vjecarit mund të çliroheshe. Unë kam marrë 5-çen e 10“, u shpreh ish i burgosuri politik./ B.A. - CNA.al

Lajmet e fundit nga