web counter
LEXO PA REKLAMA!

SHKARKO APP

App Store
Google Play

E fundit!

x

Kreu i Dhomës së Avokatisë në Tiranë flet për hartën e re gjyqësore: Menduam bojkotin si të vetmen rrugë

14 Qershor 2022, 21:50, Aktualitet CNA
Kreu i Dhomës së Avokatisë në Tiranë flet për
Avokati Fatmir Braka

Kreu i Dhomës së Avokatisë në Tiranë, Fatmir Braka, tha se bojkoti nuk është shkelur nga asnjë avokat në vend, ndërsa qeveria nuk ka reaguar deri më tani. “Daullet janë në veshë të shurdhër, asnjë kontakt me qeverinë nuk kemi pasur. Madje, është për t’u theksuar se nuk e ka shkelur asnjë nga avokatët bojkotin”, u shpreh avokati Braka në emisionin “Open”.

Më tej, avokati tha se janë parashtruar shumë problematika, që krijohen me hartën e re gjyqësore, por sipas tij, asgjë nuk u mor parasysh.

“Ne menduam bojkotin si të vetmen rrugë, në situatën që u ndodhëm, pasi bëmë disa takime, ku nuk u mor parasysh asgjë në 6 takimet në rrethe. Duke qenë se parashtruam shumë probleme, u duk sikur do të merrnin parasysh shumë, por e vërteta është që reflektuan vetëm në një që për ne nuk është asgjë, shtuan në Gjykatën e Sarandës. Në këtë kontekst, në një mbledhje të hapur me gjithë kryetarët e avokative të rretheve vendosëm bojkotin. Në këto rrethana u bë bojkoti, pasi asnjëherë nuk u dëgjuam. Ky problem nuk ka lidhje aq shumë me avokatët, sesa me qytetarët, sepse bëhet fjalë me drejtësinë, marrjen e drejtësisë. Qytetarët janë plotësisht dakord me ne, sepse bojkoti do të sjellë të mira, nëse do të ketë ndryshime. Është absolute që Shqipëria do të funksionojë me Gjykatë Apeli. Kemi shembull të pastër Gjykatën e Apelit Administrativ, ku u tha se gjyqet do të zgjidhen në Apel për 30 ditë. Shumë e kënaqshme po të ndodhte kjo, por sot unë them se kanë akoma çështje të 2017 që nuk mendohet të hyjnë për gjykim. Është një katastrofë”, u shpreh Braka.





Lajmet e fundit nga