web counter
LEXO PA REKLAMA!

SHKARKO APP

App Store
Google Play

E fundit!

x

“95% e shërbimeve janë dixhitale”/ Ahmetaj: Fiskalizimi, reformë që do të sjellë kulturën në treg

14 Qershor 2022, 10:45, Aktualitet CNA
“95% e shërbimeve janë dixhitale”/ Ahmetaj: Fiskalizimi,
Zëvendëskryeministri, Arben Ahmetaj

Në forumin e “Dixhitalizimit kundrejt parasë fizike”, zëvendëskryeministri Arben Ahmetaj tha se sot 95% e shërbimeve janë dixhitale. Ndër të tjera, Ahmetaj veçoi fiskalizimin, duke u shprehur se kjo reformë do të sjellë një kulturë të re në sjelljen e tregut që do të çojë në uljen e informalitetit.

“Ne kemi marrë hapa të rëndësishëm. Fiskalizimi është një reformë në vetvete. Ka për t'u kthyer kultura e vetme e sjelljes në treg të sipërmarrjes dhe pastaj do të ketë referenca pozitive në uljen e informalitetit. Do të sjellë reduktimin e cash-it në ekonomi”, tha Ahmetaj.

Ndërsa këshilloi se qytetarët duhet të ndjekin qeverinë në dixhitalizim, duke treguar se për të kuptuar platformën e-albania, i është dashur të bëjë një minikurs.

 “U detyrova që të bëja një minikurs për të përdorur me lehtësi e-albania. E kam bërë kursin për të kuptuar se çfarë ofron. Do t’ju kërkoja të mos jeni siç jeni zakonisht pak konservatorë, e di shumë mirë që jeni në diskutime AKSHI për sa i përket përdorimit të platformës. Konsekuenca e parë do të jetë lehtësia në transaksione. E dyta për jetën e qytetarëve. Ju vetë do të keni një platformë fantastike për analizat e riskut. Duhet ta ndiqni qeverinë në dixhitalizim”, u shpreh Ahmetaj./ CNA.al





Lajmet e fundit nga