LEXO PA REKLAMA!

SHKARKO APP

Gazetarja Lala: Shumë shpejt do të kemi zyrtarë të qeverisë dhe opozitës 'non grata' edhe në Angli

13 Qershor 2022, 22:59, Aktualitet CNA
Gazetarja Lala: Shumë shpejt do të kemi zyrtarë të
Gazetarja Klodiana Lala

Gazetarja Klodiana Lala deklaroi se do të ketë zyrtarë të shpallur 'non grata' edhe nga Britania. Lala tha në emisionin “Open” se emrat nuk do të bëhen publikë, ndryshe nga politika e SHBA-së, por se do t'u ndalohet të shkelin në Mbretërinë e Bashkuar.

“Ish-ambasadori britanik Duncan Norman, i cili është kthyer në Shqipëri me një projekt të qeverisë britanike në luftën kundër krimit të organizuar dhe korrupsionit la të nënkuptohej në një intervistë që do të kishte 'non grata', por nuk do të shpalleshin publikisht siç ka bërë SHBA-ja, por do t’u komunikohet personave. Që do të thotë shumë shpejt ne do të mësojmë që zyrtarë të lartë të qeverisë apo të opozitës mund të mos shkelin më në tokën e Mbretërisë së Bashkuar për shkak të këtyre masave. Problemi është i tillë, krushqia mes krimit dhe politikës lidhet për një arsye, për zgjedhjet”, tha Lala./CNA.al

Lajmet e fundit nga