web counter
LEXO PA REKLAMA!

SHKARKO APP

App Store
Google Play

E fundit!

x

Harta e re gjyqësore/ Paralajmëron kreu i Dhomës së Avokatisë në Korçë: Do kemi rritje të vetëgjyqësive

13 Qershor 2022, 17:22, Aktualitet CNA
Harta e re gjyqësore/ Paralajmëron kreu i Dhomës së
Kreu i Dhomës së Avokatisë në Korçë, Arben Lena

Kreu i Dhomës së Avokatisë në Korçë, Arben Lena ka parashtuar problematikat që sjell në qarkun e Korçës harta e re gjyqësore.

Lena tha se me mungesën e një gjykate që jep vendime të formës së prerë, qarku i Korçës mënjanohet totalisht.

Avokati deklaroi se situata do jetë shumë e vështirë për viktimat e dhunës në familje, trafikut njerëzor dhe shtresat nën nivelin mesatar të të ardhurave.

Sipas tij, me hartën e re gjyqësore do të rriten edhe shpenzimet për qytetarët dhe rastet e vetëgjyqësisë.

Kreu i Dhomës së Avokatisë në Korçë paralajmëroi se deri të premten do ketë bojkot total të të gjitha seancave gjyqësore derisa të ketë një reagim të institucioneve përkatëse.

“Ka afro një vit që kemi ngritur shqetësimin për hartën e re gjyqësore, e cila mënjanon totalisht qarkun e Korçës duke hequr Gjykatën e Apelit, Administrative të shkallës së parë, dhe Gjykatën e rrethit Pogradec. Nga të gjitha këto do të mbetet vetëm Gjykata e rrethit Gjyqësor Korçë vendimet e së cilës nuk janë vendime të formës së prerë. Avokatët nuk e ngrenë zërin për veten e tyre, sepse një avokat do punojë sërish, por aksesi në drejtësi që është i garantuar nga Kushtetuta jonë për shtresat që janë poshtë nivelit mesatar të të ardhurave, të margjinalizuara, për viktimat e dhunës në familje, të trafikut, të komuniteteve të margjinalizuara do të jetë shumë i vështirë. në rast se deri tani mund t’i drejtoheshe gjykatës me një kërkesë dhe mund të paraqitej me disa shpenzime të vogla, aktualisht shpenzimet do jenë në masë të madhe dhe në fund të ditës do e lërë çështjen e tij pa zgjidhje.

Do kemi rritje të vetëgjyqësive. Nga përvoja ka pasur një tendencë “po ia lëmë në dorë shtetit, drejtësisë”, në rast se do shohin që s’ka gjykata efektive për të adresuar problemin e tyre, atëherë do nxitet kjo gjë. Korça kthehet në provincë të humbur, drejtoritë rajonale kanë ikur, gjykatat po ashtu po ikin dhe shpenzimet do jenë të mëdha. Kemi një burg të sigurisë së lartë, ku nuk do të dërgohen në Korçë me shpenzime të ulta por në Tiranë. Janë një sërë problemesh. Kemi një model të dështuar në ’98, po kalojmë nga dështime në dështime. Nuk po korrigjojmë të metat, por po shkojmë drejt tyre. Komiteti drejtues ka vendosur për bojkot total të të gjitha gjyqeve nga dita e nesërme deri të premten, vijimi do shihet në varësi të reagimit të institucioneve. Deri më parë s’kishim akt zyrtar, vetëm draft nga ana e KLGJ an është premtuar që vërejtjet tona do merren parasysh. Tani kemi akt zyrtar që mund ta kundërshtojmë. Dhoma e Avokatëve është në unison të plotë me masat e marra”, theksoi Lena./ B.A. CNA.al





Lajmet e fundit nga