web counter
LEXO PA REKLAMA!

SHKARKO APP

App Store
Google Play

Zyrtarja europiane: Shqipëria të konsolidojë më tej rezultatet për korrupsionin

13 Qershor 2022, 18:55, Aktualitet CNA
Zyrtarja europiane: Shqipëria të konsolidojë më tej
Michaela Matuella

Gjatë fjalimit në "Konferencën Anti-Korrupsion", Michaela Matuella, drejtore për Ballkanin Perëndimor në Drejtorinë  e Përgjithshme për Politikat e Jashtme të Fqinjësisë dhe Negociatat e Zgjerimit të Komisionit Evropian, ka dhënë një mesazh për integrimin në BE.

Zyrtarja europiane deklaroi se BE-ja dëshiron që Shqipëria të bëhet pjesë familjes së madhe, por theksoi se duhet të konsolidojë më tej rezultatet për korrupsionin dhe Reformën në Drejtësi.

“Konferenca Antikorrupsion vjen në një moment shumë të mirë për angazhimin e Shqipërisë për të trajtuar këtë fenomen. Për negociatat, Shqipëria është në angazhimin më të lartë. BE-ja dëshiron që Shqipëria të jetë pjesë e BE-së, si edhe gjithë Ballkani Perëndimor.

Pavarësisht ecurisë së Reformës në Drejtësi, kjo nuk do të thotë se nuk ka probleme dhe sfida. Dëshirojmë që negociatat të çelen me Shqipërinë. Shqipëria duhet të konsolidojë më tej këto rezultate. Është bërë shumë punë që e kanë ndihmuar Shqipërinë në hartën e vendeve kurajoze. Shqipëria ka bërë një ndryshim thelbësor.

Puna e vështirë e institucioneve të vetingut ka vijuar për të arritur rezultatet që janë kërkuar nga Shqipëria. Shqipëria jo vetëm që i ka përmbushur këto kushte që i janë dhënë. Mund të mbështeteni te ne, do të vazhdojmë të mbështesim Shqipërinë për anëtarësimin në BE”, nënvizoi ajo./ B.A. – CNA.al





Lajmet e fundit nga